2 Ruodhi 20:14 - MUMA MALER 2015

¹⁴ To bang’e janabi Isaya nobiro ir Ruoth hezekia, mopenje niya, “Jogi oa kanye? To wach ang’o mokelogi?” Hezekia nodwoke ni, “Gia e piny Babulon, kuma bor.”

Motingʼo Loko Manyien

¹⁴ Eka Isaya janabi nodhi ir ruoth Hezekia mopenje niya, “Angʼo mane jogo owacho kendo negia kanye?” Hezekia nodwoke niya, “Negia e piny mabor miluongo ni Babulon.”

2 Ruodhi 20:14 ပူးပေါင်းရင်းမြစ်များ

2 Ruodhi 20:13

Hezekia norwako jootego, monyisogi mwandune duto mane nie ode mar keno, kaka fedha gi dhahabu gi gik mang’ue ng’ar, gi mo ma nengone tek, kod gige mag lweny, kaachiel gi gik moko duto mane ni kuonde kenone. Onge gimoro amora e ode kata e pinye mane ok onyisogi.

2 Ruodhi 20:15

Isaya nomedo penje niya, “To ang’o ma gineno e odi?” Hezekia nodwoke ni, “Giseneno gik moko duto manie oda. Onge gimoro amora modong’ mak anyisogi e kuonde kenona.”

Zaburi 141:5

Ng’at makare nyalo kuma, kendo kwera gi ng’wono, to ok nawe jaricho wir wiya gi mo, nikech pile alemo mondo timbene maricho okethre.

Ngeche 25:12

Siem ma ng’at mariek siemogo ng’at ma chiko ite, ber moloyo tere mar dhahabu, kata tigo molos gi dhahabu.

Isaya 13:5

Gia e piny mabor, manie tung’ piny mogik. Ruoth Nyasaye ema kelo jogo kaka gige mag lweny mondo okethgo piny gi mirimbe mager.

Ezekiel 23:23

Abiro kelo jo-Babulon kod jo-Kaldea duto, kaachiel gi jo Pekod gi jo-Shoa gi jo-Koa kod jo-Asuria duto. Giduto gin jotend lweny ma yawuowi mapod tindo man gi chia. Gin joma tiyo tije madongodongo kendo gin jotend joidh farese.

Kwan 22:9

Eka Nyasaye nofwenyore ni Balaam, mopenje niya, “Joma olimigo oa kanye?”

Rapar mar Chik 28:49

“Ruoth Nyasaye biro kelo kuomu oganda moro moa kuma bor ma dhogi ok nuwinji. Ginimwomre kuomu mana kaka ongo mwomore kuom nyagweno.

Joshua 9:6

eka ne gibiro ir Joshua e kambi Gilgal, mi giwachone kod jo-Israel niya, “Waa e piny mabor ahinya, omiyo yie watim kodu winjruok mar kue.”

Joshua 9:9

Ne gidwoke niya, “Ruoth, waa e piny mabor ahinya nikech humb Ruoth Nyasaye ma Nyasachu. Wasewinjo gik ma notimore e Misri,