2 Ruodhi 2:9 - MUMA MALER 2015

⁹ Kane giseidho loka, Elija nowacho ni Elisha niya, “Yier gima datimni, kapok okawa kuomi.” Elisha nokone ni, “Akwayi mondo ayud pok ariyo mag teko ma in go.”

Motingʼo Loko Manyien

⁹ Kane gisengʼado aorano, Elija nopenjo Elisha niya, “Wachane gima idwaro mondo atimni kapok okawa?” Elisha nodwoke niya, “We mondo ayud teko ma in-go nyadiriyo.”

2 Ruodhi 2:9 ပူးပေါင်းရင်းမြစ်များ

1 Ruodhi 19:16

Jehu wuod Nimshi bende iwir mondo obed ruodh Israel; to Elisha wuod Shafat ja-Abel-mehola ema mondo iwir obed janabi kari.

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

Zaburi 72:1

A Nyasaye, puonj ruoth mondo ong’ad bura mana gi adierani, kendo ipuonje timni makare.

Zaburi 72:20

Mano e giko lemo mag Daudi wuod Jesse.

Zekaria 12:8

“Chieng’no an Ruoth Nyasaye nabed okumba ni jo-Jerusalem, mi kata mana ng’ama yomyomie moloyo kuomgi nobed motegno ka Daudi, kendo joka Daudi nobed jotend ji mana kaka Nyasaye kata malaika mare.

Zekaria 9:12

Un joma otue ma koro nigi geno, duoguru e dalau mochiel motegno. Ahulo ni abiro guedhou nyadiriyo kuom sand mane osandugo.

Kwan 11:17

Abiro lor mondo awuo kodi, kendo abiro kawo kuomi teko moko mane amiyi, mondo ami jogo okonyi rito oganda, mi ting’no ok noturi.

Kwan 11:25

Eka Ruoth Nyasaye nolor e bor polo mowuoyo kode, kendo okawo kuome teko moko mane osemiye, mi omiyo jodongo piero abiriyogo, kendo kane Roho osedonjo kuomgi ne gidhumore. To bang’ mano ne ok gidhumore kendo.

Johana 16:7

To kata kamano awachonu adier ni ber ka adhi, nikech ka ok adhi, to Jakony ok nobinu. To ka adhi to anaore iru,

Tich Joote 1:8

To unuyud teko ka Roho Maler obiro kuomu, kendo ununyis ji gik mung’eyo kuoma, kuchako gi Jerusalem, nyaka Judea duto, gi Samaria kod tung’ piny gi tung’ piny.”

Tich Joote 8:17

Petro kod Johana ne joyieyo lwetgi kuomgi, mi ginwang’o Roho Maler.

1 Jo-Korintho 12:31

Ooyo! To kata kamano, mich madongo moloyo ema mondo uket chunyu uyudi. To nitie yo moro moloyo ma adwaro nyisou.

Rapar mar Chik 21:17

Nyaka omi wuode makayo duong’ne mar nywol, kopogone pok nyadiriyo moloyo yawuote mamoko, kata dabed ni en wuod dhako mocha kamano, nimar en e wuode motieko wuowine, omiyo duong’ mar nywol en mare.

Rapar mar Chik 34:9

Joshua wuod Nun nomi rieko mathoth, nikech Musa noseyieyo lwete kuome, mi jo-Israel nowinje, motimo gik mane Ruoth Nyasaye ochiko Musa.

1 Timotheo 5:17

Jo-Kristo nyaka kwan jodongo motelo ni kanyakla mar jo-Kristo maber ka joma owinjore yud pok nyadiriyo, to moloyo onego gipar joma keto chunygi kuom tich lando wach, kendo kuom puonjo ji.