2 Ruodhi 2:5 - MUMA MALER 2015

⁵ Oganda jonabi mane odak Jeriko nosudo machiegni gi Elisha, mopenje niya, “Bende ing’eyo ni Ruoth Nyasaye biro kawo jaduong’ni kawuono?” Nodwokogi niya, “Ee, ang’eyo kamano, to ling’uru.”

Motingʼo Loko Manyien

⁵ Kanyakla mar jonabi mane odak Jeriko nodhi ir Elisha mopenje niya, bende ingʼeyo ni Jehova Nyasaye wangʼ nokaw ruodhi kawuono? Ee angʼeyo, to lingʼuru gi wachno.

2 Ruodhi 2:5 ပူးပေါင်းရင်းမြစ်များ

Chakruok 48:19

To wuon mare nodagi, kowacho niya, “Ang’eyo mano nyathina. Manase bende biro bedo oganda maduong’, to owadgi maluwe ema nobed maduong’ moloye, kendo nyikwaye nodok ogendini mang’eny.”

1 Ruodhi 20:35

Wach Ruoth Nyasaye nobiro ni ng’at achiel kuom oganda jonabi, mowacho ni wadgi ni, “Yie igoya!” To jalo nodagi goye.

2 Ruodhi 2:3

To oganda jonabi ma nodak Bethel nowuok modhi ir Elisha, mopenje niya, “Bende ing’eyo ni Ruoth Nyasaye biro kawo jaduong’ni kawuono?” Nodwokogi niya, “Ee, ang’eyo kamano, to ling’uru.”

2 Ruodhi 4:1

Chieng’ moro, dhako moro ma chi liel, ma chwore ne achiel kuom oganda jonabi, notero ywak ir Elisha, kawachone niya, “Chwora osetho, kendo ing’eyo kaka ne en ng’at ma oluoro Ruoth Nyasaye. To jabendho osebiro mondo okaw nyithinda ariyo, olok wasumbe.”

2 Ruodhi 5:22

Gehazi nodwoke niya, “Onge wach, to ruodha oora mondo anyisi ni yawuowi ariyo mag oganda jonabi ochopo sani koa e piny gode mag Efraim. Okwayi mondo imiye fedha moromo kilo piero adek, kod lewni ariyo.”

2 Ruodhi 6:1

Oganda mar jonabi nowacho ni Elisha niya, “Kama wadakie kodini tin, wahewo.

2 Ruodhi 9:1

Elisha janabi noluongo achiel kuom jonabi, mowachone niya, “Ng’wan lepi, idhi Ramoth-gilead gi puga mar morni.

Eklesiastes 3:7

kinde mar yiecho gimoro, gi kinde mar bepo, kinde mar ling’, gi kinde mar wuoyo,

Isaya 41:1

Un pinje mae dhonembe, kod chulni chikuru itu, ka uling’ thi e nyima. Ogendini mondo obi abia! Gibi abia machiegni mondo giwuo ane. Waduto wanadonj kaachiel kama ing’adoe bura.

Amos 7:14

To Amos nodwoko Amazia niya, “An ok an janabi, to bende mano ok tija. An mana jakwath, kendo jarit yiend ng’owo.

Habakuk 2:20

Ruoth Nyasaye to nie Hekalu mare. Piny duto mondo oling’ thi e nyime!

Luka 24:51

To kane oyudo oguedhogi kamano, ne opogore kodgi, kendo noting’e malo odhi e polo.

Tich Joote 1:11

Jogo nowachonigi niya, “Un jo-Galili, ang’o momiyo uchung’ kurango polo? Yesu mosegol kuomu, kitero malo e poloni, noduogi mana kaka useneno kodhino.”

Tich Joote 1:2

nyaka chop chieng’ mane otere malo e polo. Kane pok otere malo, to nogolo chik kuom teko mar Roho Maler ni joote mane oseyiero.

Tich Joote 26:25

To Paulo ne odwoke ni, “Ruoth, ok an janeko, to awacho mana weche ma adier kendo malong’o.

1 Samuel 10:5

Bang’ mano, kichopo e Gibea-elohim, kama jolweny mag jo-Filistia nitie, to inirom gi oganda jonabi, kalor a e hembko, ka joma goyo thumbe gi nyigwerni kod asili, otelonigi, kendo iniyud ka gidhumore.