2 Ruodhi 2:24 - MUMA MALER 2015

²⁴ Nogoyo machiemo monenogi, kendo nokuong’ogi e nying Ruoth Nyasaye. Ondiegi ma mon ariyo noa e bungu, mokidho rawere piero ang’wen gariyo kuomgi.

Motingʼo Loko Manyien

²⁴ Ne olokore mongʼiyogi mi noluongo kwongʼ e nying Jehova Nyasaye. Eka ondiegi ariyo mag dubu nopore oa e bungu mochamo rowere piero angʼwen gariyogo.

2 Ruodhi 2:24 ပူးပေါင်းရင်းမြစ်များ

Chakruok 9:25

nowacho niya, “Okwong’ Kanaan, kendo obed misumba owetene.”

2 Samuel 17:8

Ing’eyo ni wuoru gi joge gin joma rateke, kendo koro giger mana ka ondiek moma nyithinde. To bende wuoru en jalweny mariek; Ang’ nonind mana kar kende, mopogore gi joge.

1 Ruodhi 13:24

kendo kane jalo osewuok dhiyo, noromo gi sibuor e yo, mi sibuor nonege. Ringre noriere e yo, to kanyna gi sibuor nochung’ bute.

1 Ruodhi 19:17

Ng’at ma Hazael ok onego, Jehu noneg; to ng’at ma Jehu ok onego, Elisha noneg.

1 Ruodhi 20:36

Eka nowachone ni, “Isedagi winjo wach Ruoth Nyasaye, omiyo sibuor biro negi kiwuok kuoma ka.” Gikanyono mane owuokie, noromo gi sibuor monege.

2 Ruodhi 2:25

Eka Elisha noa kuno, modhi nyaka got Karmel. To koa Karmel, nodok Samaria.

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Ngeche 17:12

Ber romo gi ondiek madhako mosema nyithinde, moloyo romo gi ng’at mofuwo matimo gik mofuwo.

Ngeche 19:29

Josunga gi joma ofuwo duto biro yudo kum.

Ngeche 28:15

Jatelo marach ma rito joma chandore chalo mana gi sibuor modenyo, kata ka ondiek ma kech nego.

Jeremia 28:16

Omiyo Ruoth Nyasaye owuon wacho ni obiro tieki e wang’ pinyni, nimar ibiro tho ka pok higani orumo, nikech isejiwo ji mondo otamre mako chikne.”

Ywagruok 3:65

Migi bedo gi chuny matek, mondo eka ikuong’gi.

Hosea 13:8

Abiro monjou mana ka ondiek ma osema nyithinde, kendo abiro yiechou tiarara. Ee, abiro kidhou ka diemo wang’, mana ka sibuor, mi ang’inyu matindo tindo ka ondiek.

Tim jo-Lawi 26:22

Anaor ondiegi mondo omak nyithindu, mi ginineg jambu kendo ginimi udong’ manok, bende wang’ yore duto muluwo notho.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Mariko 11:14

Nokuong’o yadhno, kowacho niya, “Onge ng’ama nochak ocham olembi kendo nyaka chieng’!” Jopuonjrene nowinje kowacho kamano.

Mariko 11:21

Petro noparo gima ne Yesu osewacho, mi onyiso Yesu niya, “Japuonj, neye kaka yadh ng’owo manyoro ikuong’ocha osetwo!”

Tich Joote 5:5

Gikanyono mane Anania owinjoe wechego, nogore piny motho. Ji duto mane owinjo wachno, luoro nomako.

Tich Joote 5:9

Eka Petro nopenje ni, “Mar ang’o ne uwinjoru gi chwori mondo utem wuondo Roho mar Ruoth? Winji! Joma oseyiko chwori nie dhoot ka, kendo in bende gibiro ting’i, mi giteri oko.”

Tich Joote 8:20

To Petro nodwoke ni, “Pesani mondo olal nono kodi, nikech iparo ni inyalo ng’iewo mich mar Nyasaye gi pesa!

2 Jo-Korintho 10:6

Bende ka uselokoru chuth, to waikore kumo ji duto ma osetamore winjo wach.

Jong’ad Bura 9:20

To ka ok kamano, to mach mondo omuoch kuom jo-Shekem gi jo-Beth-milo mondo owang’ Abimelek.”

Jong’ad Bura 9:57

To bende Nyasaye nochulo kuor ni jo-Shekem kuom richogi, mana kaka Jotham wuod Jerubaal nonyisogi chieng’ mane okuong’ogi.