2 Ruodhi 2:19 - MUMA MALER 2015

¹⁹ Jo-Jeriko nowacho ni Elisha niya, “Jaduong’ neye kaka dalawa oger kama ber, mak mana pi ema ok ber, kendo lowo bende rach.”

Motingʼo Loko Manyien

¹⁹ Ji mane odak Jeriko nowachone Elisha niya, “Jaduongʼ neye kaka dalawani oger kama ber, makmana pige ema rach kendo lope ok miyo.”

2 Ruodhi 2:19 ပူးပေါင်းရင်းမြစ်များ

1 Ruodhi 16:34

Ndalo Ahab ema Hiel ja-Bethel nogeroe Jeriko. Kane oketo mise, Abiram wuode makayo notho, kendo ka nochungo dhorangeyene, Segub wuode machogo notho, mana kaka Ruoth Nyasaye nomiyo Joshua wuod Nun owacho.

1 Ruodhi 18:13

Bende isewinjo gima natimo ka Jezebel ne nego jonabi mag Ruoth Nyasaye? Napando jonabi mia achiel. Piero abich napando e rogo achiel, to piero abich e rogo machielo, mamiyogi chiemo gi pi bende.

1 Ruodhi 18:7

Kane Obadia dhi, nopo koromo gi Elija. Kane onene, nogoyo chonge piny, mokulorene, kowacho niya, “Jaduong’ Elija! Kara mana in?”

2 Ruodhi 2:18

Ne giduogo Jeriko kuma Elisha ne pod ritogie, mi nowachonigi niya, “Donge nakwerou ni kik udhi?”

2 Ruodhi 2:20

Nodwokogi niya, “Kelnauru agulu manyien, kendo ketieuru kado.” Mi ne gitimo kamano.

Wuok 15:23

Bang’e ne gichopo Marah, to ne ok ginyal modho, nimar pi mane ni kuno ne kech. Mano emomiyo nochak kanyo ni Marah (tiende ni, makech).

Wuok 23:26

Ong’e dhako ma iye nokirre e pinyu, kendo onge ma nobed migumba. Bende anami udag aming’a.

Wuok 7:19

Ruoth Nyasaye nowacho ni Musa niya, “Nyis Harun kama: ‘Rie ludhi e wi pige duto man Misri, kaka aore madongo gi matindo, kod yewni gi sokni.’ Pi biro lokore remo, kendo piny duto nopong’ gi remo, koda ka dapige mag yien mopa, koda mag kite.”

Hosea 9:14

A Ruoth Nyasaye, ang’o ma dwakwayi mondo imi jogi? Migi iye ma ok onywolo nyithindo, kendo thuno ma ok gol chak.”

Kwan 12:11

nokwayo Musa niya, “Jaduong’, lamnwa! Kik iwe wachul gop richo, kata obedo ni wasetimo gima ofuwo kendo marach kamano.

Rapar mar Chik 28:11

“Ruoth Nyasaye biro miyo udhi maber. Ubiro bedo gi nyithindo mang’eny, kendo gi jamni mathoth, kod cham mogundho e piny mane Ruoth Nyasaye osingore ni kwereu ni nomiu.

1 Timotheo 5:17

Jo-Kristo nyaka kwan jodongo motelo ni kanyakla mar jo-Kristo maber ka joma owinjore yud pok nyadiriyo, to moloyo onego gipar joma keto chunygi kuom tich lando wach, kendo kuom puonjo ji.

Joshua 6:17

To joma odakie kaachiel gi gik moko duto manie iye noketh chuth, kendo dhano ok nomulgi, to ginibed gik mochiw ni Ruoth Nyasaye. Rahab gi ji duto manie ode kende ema nowe ka ngima, nikech en ema nopando jombetre mane waoro.

Joshua 6:26

Chieng’no Joshua nokwero ji gi kuong’ niya, “Ruoth Nyasaye mondo okum ng’at ma notem gero Jeriko kendo! Koketo mise mare, to wuode makayo notho, kendo kochungo dharangaye, to wuode ma chogo notho.”