2 Ruodhi 2:16 - MUMA MALER 2015

¹⁶ ka giwachone niya, “Wan gi joma rateke piero abich. Yie mondo gidhi gidwar jaduong’ni cha, dipo ka Roho mar Ruoth Nyasaye otere, moweye ewi got, kata e hoho moro.” Nodwokogi ni, “Kik uorgi.”

Motingʼo Loko Manyien

¹⁶ Negiwachone niya, “Wan jotichni, wan gi joma roteke piero abich. Yie mondo gidhi gimany ruodhi; sa moro dipo ka Roho mar Jehova Nyasaye osetere malo ewi gode kata e holo.” Elisha nokwerogi niya, “Kik uorgi.”

2 Ruodhi 2:16 ပူးပေါင်းရင်းမြစ်များ

1 Ruodhi 18:12

To kwasewere kodi, to Roho mar Ruoth Nyasaye biro teri kuma ok ang’eyo. Omiyo, ka adhi, ma anyiso Ahab ni in ka, mi obiro to ok onwang’i, enonega. To jaduong’, aseluoro Ruoth Nyasaye, chakre tinna.

2 Ruodhi 2:7

Ji piero abich kuom oganda jonabi bende nodhi, mochung’ kama ochwalore kodgi, ka ji ariyogo chung’ e dho aora.

Ezekiel 11:24

Ne aneno e fweny ka Roho oting’a, mi odwoka Babulon ir joma nie tuech. Bang’e fwenyno nolalna nono.

Ezekiel 3:14

E kinde mane Roho oting’a malono, ne iya owang’, kendo abedo gi chuny lit, mi teko mar Ruoth Nyasaye nobiro kuoma.

Ezekiel 40:2

Ne aneno e fweny ka Nyasaye otera e piny Israel, moketa ewi got mabor. Kuno ne anenoe udi mochokore kanyachiel e nyima, machalo dala.

Ezekiel 8:3

Ne orieyo gima chalo gi lwedo, mi omaka gi yie wiya. E fwenyno. Roho noting’a malo e kor polo, mi otera Jerusalem, moketa piny e dhoranga laru maiye mar Hekalu mochomo yo nyandwat, kuma nitie nyasaye manono ma Nyasaye mon-go.

Tich Joote 8:39

To kane giwuok e pi, Roho mar Nyasaye nokawo Filipo oago, mi jatelono ne ok ochako onene kendo, to nodhi nyime gi wuodhe, komor ahinya.