2 Ruodhi 2:15 - MUMA MALER 2015

¹⁵ Kane oganda jonabi modak Jeriko onene gi kuma bor, ne giwacho niya, “Teko mane Elija nigo, koro odok ni Elisha.” Ne gidhi romone, mi gikulorene,

Motingʼo Loko Manyien

¹⁵ Kanyakla mar jonabi moa Jeriko mane oneno gima notimoreno mowacho niya, “Roho mar Elija ni kuom Elisha.” Kendo negidhi ire mi gikulore piny e nyime.

2 Ruodhi 2:15 ပူးပေါင်းရင်းမြစ်များ

1 Ruodhi 19:16

Jehu wuod Nimshi bende iwir mondo obed ruodh Israel; to Elisha wuod Shafat ja-Abel-mehola ema mondo iwir obed janabi kari.

1 Ruodhi 20:35

Wach Ruoth Nyasaye nobiro ni ng’at achiel kuom oganda jonabi, mowacho ni wadgi ni, “Yie igoya!” To jalo nodagi goye.

2 Ruodhi 2:19

Jo-Jeriko nowacho ni Elisha niya, “Jaduong’ neye kaka dalawa oger kama ber, mak mana pi ema ok ber, kendo lowo bende rach.”

2 Ruodhi 2:7

Ji piero abich kuom oganda jonabi bende nodhi, mochung’ kama ochwalore kodgi, ka ji ariyogo chung’ e dho aora.

2 Ruodhi 4:37

Dhakono nodonjo, mogoyo chonge piny e tiende, kokulo wiye piny. Eka nokawo wuode, mowuok.

2 Ruodhi 5:22

Gehazi nodwoke niya, “Onge wach, to ruodha oora mondo anyisi ni yawuowi ariyo mag oganda jonabi ochopo sani koa e piny gode mag Efraim. Okwayi mondo imiye fedha moromo kilo piero adek, kod lewni ariyo.”

2 Ruodhi 9:1

Elisha janabi noluongo achiel kuom jonabi, mowachone niya, “Ng’wan lepi, idhi Ramoth-gilead gi puga mar morni.

Isaya 11:2

Roho mar Ruoth Nyasaye nobi kuome. En Roho makelo rieko gi ng’eyo, kendo ma ng’ado ni ji rieko, kendo miyo ji teko, bende en Roho ma puonjo ji luoro Nyasaye.

Isaya 59:21

To bende Ruoth Nyasaye wacho niya, “Singruok ma abiro timo kodgi e ma: Roho mara man kuomu, kod wechena ma aseketo e dhou, nosik kodu chakre kawuono, nyaka kuom tienge duto mabiro mag nyikwau. An Ruoth Nyasaye ema awacho kamano.”

Amos 7:14

To Amos nodwoko Amazia niya, “An ok an janabi, to bende mano ok tija. An mana jakwath, kendo jarit yiend ng’owo.

Kwan 27:20

kendo imiye tekoni moko mondo oganda jo-Israel duto oluore.

Tich Joote 1:8

To unuyud teko ka Roho Maler obiro kuomu, kendo ununyis ji gik mung’eyo kuoma, kuchako gi Jerusalem, nyaka Judea duto, gi Samaria kod tung’ piny gi tung’ piny.”

2 Jo-Korintho 12:9

to nowachona niya, “Mich ma amiyi kuom ng’wonona oromi, nikech kama nyawo nitie ema teko tiyoe moloyo.” Emomiyo amor ahinya pakora nikech nyawona, mondo teko mar Kristo odag kuoma.

Joshua 3:7

Ruoth Nyasaye nowacho ni Joshua niya, “Tinendeni abiro chako miyi bedo gi duong’ e nyim jo-Israel duto kendo gining’e ni abedo kodi mana kaka nabedo gi Musa.

Joshua 4:14

Chieng’no Ruoth Nyasaye nomiyo Joshua bedo gi duong’ ahinya e nyim jo-Israel duto, kendo ne gimiye luor e ngimane duto, mana kaka ne gimiyo Musa.

1 Petro 4:14

Ka iyanyou nikech nying Kristo, to kwanreuru ni un johawi, nikech koro Roho man gi duong’ ma en Roho mar Nyasaye, obedo kuomu.

1 Samuel 10:5

Bang’ mano, kichopo e Gibea-elohim, kama jolweny mag jo-Filistia nitie, to inirom gi oganda jonabi, kalor a e hembko, ka joma goyo thumbe gi nyigwerni kod asili, otelonigi, kendo iniyud ka gidhumore.