2 Ruodhi 2:14 - MUMA MALER 2015

¹⁴ Nochwado pi gi law Elijano kowacho niya, “Ere Ruoth Nyasaye ma Nyasach Elija?” Kane osechwado pi kamano, pi nopogore koni gi koni, mi nong’ado aora.

Motingʼo Loko Manyien

¹⁴ Eka ne okawo law mar abola mane olwar koa kuom Elija mi ochwadogo pi kowacho niya, “Ere Jehova Nyasaye ma Nyasach Elija?” Kane ochwado pi, pi nopogore diere tir koni gi koni, mi Elisha nongʼado odhi komachielo.

2 Ruodhi 2:14 ပူးပေါင်းရင်းမြစ်များ

2 Ruodhi 2:13

Nokwanyo law abola mar Elija mane olwar piny, kendo nodok mochung’ e dho aora Jordan.

2 Ruodhi 4:29

Elisha nowacho ni Gehazi niya, “Ng’wan lepi, ikaw ludha, kendo ichak wuoth. Kiromo gi ng’ato, to kik imosi, kata ka ng’ato mosi, to kik idwoke, kendo kichopo, to iriw ludha e lela wang’ nyathi.”

Zaburi 115:2

Ang’o momiyo ogendini penjowa niya, “Ere Nyasachu nogo?”

Zaburi 42:10

Gigoyona siboi, kendo ginyiera, ka athagora. Odiechieng’ duto gipenja niya, “Nyasachi nogo ni kanye?”

Zaburi 42:2

A Nyasaye mangima, siso oloya kodi. Dayud thuolo karang’o mondo alem e nyimi?

Wuok 14:22

kendo jo-Israel nong’ado namno kawuotho e lowo motwo, ka pi ogingore koni gi koni.

Jeremia 2:6

Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Joel 2:17

Jodolo ma tiyo ni Ruoth Nyasaye ei Hekalu, nyaka ywagi, kochung’ e kind dhorangach gi kendo-mar-misango. Giywak kama: “A Ruoth Nyasaye, kech jogi ma mwanduni, kik iwe ogendini mamoko jarwa mi nyierwa, ka giwacho niya, ‘Nyasachu ni kanye?’ ”

Mariko 16:20

Bang’ mano, jopuonjrene nodhi molando Wach Maber kuonde duto, ka Ruoth tiyo kodgi, kendo siro wachno gi ranyisi.]

Johana 14:12

Awachonu adier ni ng’at moyie kuoma notim tije ma atimo. Bende enotim koda ka timbe madongo moloyo mago, nikech adhi ka Wuora.

Tich Joote 2:33

Osechier mobet e bat korachwich mar Nyasaye, kendo oseyudo Roho Maler mane Wuoro osingore ni nomiye. To gik makoro uneno kendo uwinjogi gin mich mogundho momiyowa.

Jong’ad Bura 6:13

Gideon nodwoke niya, “To ruoth, to ka en adier ni Ruoth Nyasaye ni kodwa to ang’o momiyo gigi duto osetimorenwa? Ere honni duto mane kwerewa owachonwa ni Ruoth Nyasaye notimo kogologi e piny Misri? Ruoth Nyasaye osejwang’owa, kendo oseweyowa e lwet jo-Midian.”