2 Ruodhi 2:12 - MUMA MALER 2015

¹² Elisha noneno gima notimore, mokok niya, “Wuora, wuora, aneno geche Israel kod joidh faresene!” Kamano Elija nolal e wang’e. Eka Elisha noyiecho lepe owuon kidienje ariyo.

Motingʼo Loko Manyien

¹² Elisha noneno mi noywak niya, “Yaye Wuora, aneno geche mag Israel kod joidh farese mag-gi.” Elisha ne ok ochako oneno Elija kendo nokawo lepe owuon moyiecho.

2 Ruodhi 2:12 ပူးပေါင်းရင်းမြစ်များ

Chakruok 37:34

Noyiecho lepe, morwako pien gugru, kendo noywago wuode kuom ndalo mang’eny.

Chakruok 5:24

Bang’ wuotho gi Nyasaye kamano, ne ok ochak onene kendo, nikech Nyasaye nokawe.

2 Ruodhi 13:14

Kane Elisha tuo gi tuo mane biro nege, noyudo Jehoash ruodh Israel osedhi nene, moywage ni, “Wuora! Wuora! Isebedonwa kaka geche lweny gi joidh farese mag Israel.”

2 Ruodhi 2:13

Nokwanyo law abola mar Elija mane olwar piny, kendo nodok mochung’ e dho aora Jordan.

2 Ruodhi 5:13

To jotichne nosudo bute, mopenje niya, “Wuonwa, ka da janabi chiki ni mondo itim gimoro maduong’, donge ditimo? To koro ok ber moloyo kowachoni mana ni mondo inyumri e pi, idok maler?”

2 Ruodhi 6:21

Kane ruodh Israel onenogi, nopenjo Elisha niya,, “Wuonwa, aneggi koso?”

Ayub 22:30

Obiro resi ka ionge gi ketho, kendo ka itimo gima kare.”

Ngeche 11:11

Mier yudo gueth ka joma kare odakie. Weche joricho to ketho mier aketha.

Ngeche 30:4

Ere ng’ama osedhi e polo, kendo oseduogo? Koso en ng’a ma oseboyo pige mag nembe e law? Kata en ng’a moseketo tunge piny kuonde ma gintie? Hulna nyinge kod nying wuode, king’eyo.

Eklesiastes 7:19

Gima rieko timo ni ng’ato duong’ moloyo gima ruodhi apar nyalo timo ni dala ma gidakie.

Isaya 37:15

kokwaye niya,

Isaya 37:21

Eka Isaya wuod Amoz nooro ni Hezekia wach niya, “Ruoth Nyasaye ma Nyasach Israel owacho ni osewinjo lemo mikwayego nikech wach ma Senakerib ruodh Asuria osesiemigo,

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Mariko 16:19

Kane Ruoth Yesu osewuoyo kodgi kamano, ne otere e polo, mi obet e bat korachwich mar Nyasaye.

Luka 2:15

Kane malaika oseweyo jokwath modok e polo, jokwath nowacho e kindgi giwegi niya, “Wadhiuru Bethlehem mondo wane ane gima osetimore, ma Ruoth osenyisowani.”

Luka 24:51

To kane oyudo oguedhogi kamano, ne opogore kodgi, kendo noting’e malo odhi e polo.

Johana 3:13

Onge ng’at mosedhi e polo, mak mana Wuod Dhano, mane olor oa e polo.

Tich Joote 1:9

Kane osewacho kamano, ne otere malo e polo ka ging’iye mi olalnigi nono e bor polo.

Tich Joote 27:24

mi owacho niya, ‘Paulo, kik ibed maluor! Nyaka ichung’ e nyim Kaisar, kendo Nyasaye oseyie kuom ng’wonone ni joma kwang’ kodi duto ok bi tho.’

Tich Joote 8:2

Jomoko moluoro Nyasaye noyiko Stefano, kendo oywage malit.

2 Jo-Korintho 5:2

Adier, ka pod wan e kiru ma wan-go e pinykani, to wachur kwagombo mondo warwakre gi odwa manie polo,

2 Jo-Korintho 5:4

Ka pod wan e kiru mae pinyni to wachur ka ting ohewowa. To mano ok onyiso ni wadwaro lonyo ringrewa mar pinyni oko. Ooyo, wadwaro mana rwako ringrewa manyien manie polo, mondo ngima mochwere omwony mano matho.

Jo-Efeso 4:8

Mano emomiyo Muma wacho niya, “Kane oidho malo, nodhi kotelo ni joma omako e lweny, kendo nopogo ni ji mich.”

Fweny 11:12

Bang’ mano, jonabi ariyogo nowinjo dwol makok matek gie polo, kawachonigi niya, “Biuru malo ku!” Kuom mano ne giidho malo mana ka wasikgi nenogi

Jong’ad Bura 17:10

Mika nowachone niya, “Dag koda, mondo ibed jang’adna rieko kendo jadolona, to abiro miyi fedha apar higa ka higa, kaachiel gi chiemo kod lewni.”