2 Ruodhi 2:1 - MUMA MALER 2015

¹ E ndalo mane Ruoth Nyasaye dwaro tero Elija e polo gi kalausi, noyudo ka Elija gi Elisha josewuok Gilgal.

Motingʼo Loko Manyien

¹ E kinde mane Jehova Nyasaye dwaro tero Elija e polo kotingʼe gi kalausi, noyudo ka Elija gi Elisha osewuok Gilgal.

2 Ruodhi 2:1 ပူးပေါင်းရင်းမြစ်များ

Chakruok 5:24

Bang’ wuotho gi Nyasaye kamano, ne ok ochak onene kendo, nikech Nyasaye nokawe.

1 Ruodhi 18:12

To kwasewere kodi, to Roho mar Ruoth Nyasaye biro teri kuma ok ang’eyo. Omiyo, ka adhi, ma anyiso Ahab ni in ka, mi obiro to ok onwang’i, enonega. To jaduong’, aseluoro Ruoth Nyasaye, chakre tinna.

1 Ruodhi 19:11

Ruoth Nyasaye nowachone niya, “Wuogi, idhi ichung’ nyima ewi got nikech abiro kadho kanyo.” Mokwongo yamo nokudho, momuko gode, kendo obaro lwendni e nyim Ruoth Nyasaye; to Ruoth Nyasaye ok ne nie yamo

1 Ruodhi 19:4

To en owuon, nodhi e thim moromo wuodh ndalo achiel. Eka nobet e tiend yath moro, mokwayo Ruoth Nyasaye ni mondo otho, kowacho niya, “Oromo! Yaye Ruoth Nyasaye, kaw ngimana, nikech ok aber moloyo kwerena.”

2 Ruodhi 1:18

Timbe moko duto mag Ahazia ondik e kitap Weche mag Ndalo mag Ruodhi mag Israel.

2 Ruodhi 2:11

To kane pod giwuotho, kendo giwuoyo, gari mar mach gi farese mag mach nobiro, mopogogi, kendo Elija noidho gi kalausi nyaka e polo.

2 Ruodhi 4:38

Elisha nodok Gilgal. Chieng’ moro kane kech nie piny, Elisha ne ni kod oganda jonabi, kapuonjogi. Nowacho ni jatichne niya, “Ket agulu maduong’ e kendo, ited chiemo ni jonabigi.”

Ayub 38:1

Eka Ruoth Nyasaye nowuoyo gi Ayub gie boche polo, kowacho niya,

Luka 9:51

Kane kinde monego tergo Yesu e polo koro chiegni, ne owuok koketo chunye mondo odhi Jerusalem.

Tich Joote 1:9

Kane osewacho kamano, ne otere malo e polo ka ging’iye mi olalnigi nono e bor polo.

Jo-Hibrania 11:5

Yie ema nomiyo okaw Enoka, oter e ngima, mak okadho e tho. Muma wacho niya, “Ne obedo maonge, nikech Nyasaye nosegole.” Wang’eyo ni yie mane en-go ema ne omiyo ogole, nimar Muma bende wacho ni, “Kane pok ogole ne en ng’at malong’o ni Nyasaye.”

Joshua 4:19

Jo-Israel nong’ado aora Jordan tarik apar mar due mokwongo, kendo ne gibworo Gilgal, yo wuok chieng’ mar Jeriko.

Joshua 5:9

Eka Ruoth Nyasaye nowacho ni Musa niya, “Tinendeni asegolo ayanj jo-Misri oko kuomu.” Mano emomiyo nochak kanyo ni Gilgal, kendo pod iluonge kamano nyaka chil kawuono.

Fweny 11:12

Bang’ mano, jonabi ariyogo nowinjo dwol makok matek gie polo, kawachonigi niya, “Biuru malo ku!” Kuom mano ne giidho malo mana ka wasikgi nenogi