2 Ruodhi 19:4 - MUMA MALER 2015

⁴ Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Motingʼo Loko Manyien

⁴ Nyalo bedo ni Jehova Nyasaye ma Nyasachi biro winjo weche duto mag Rabshake jatend lweny, ma jatende ma ruodh Asuria oseoro mondo oyany Nyasaye mangima, kendo obiro kwere kuom weche mane Jehova Nyasaye ma Nyasachu osewinjo kowacho. Kuom mano, in Isaya, lamne ji mane otony ma pod ngima.”

2 Ruodhi 19:4 ပူးပေါင်းရင်းမြစ်များ

Chakruok 22:14

Ibrahim nochako kanyo ni Jehova-jire (Tiende ni Ruoth Nyasaye e jachiwo). Pod iwacho nyaka chil kawuono ni “God Ruoth Nyasaye ema nochiwee.”

2 Samuel 16:12

Dipo nono ka Ruoth Nyasaye oneno chandruokna, motimona ber kar kuong’ mikuong’agono.”

2 Ruodhi 18:13

E higa mar apar gabich mar loch Hezekia, Senakerib ruodh Asuria nomonjo miech Juda duto mochiel gi ohinga, mokawo.

2 Ruodhi 19:16

A Ruoth Nyasaye, chik iti mondo iwinji, kendo yaw wang’i mondo inen. Winj weche ma Senakerib yanyigo, in Nyasaye Mangima!

2 Ruodhi 19:22

To koro in, en ng’ano ma isejaro kendo iyanyo? Koso en ng’a, ma isekokne, kijowo wang’i! Nyaka ing’e ni en Ng’ama Ler mar Israel!

2 Ruodhi 19:23

Isejaro Ruoth Nyasaye kimiyo jooteni wacho niya, ‘Aseidho gode maboyo mag Lebanon, mi achopo midimidi, ka an gi gechena mag lweny mang’eny mokadho akwana. Bende asetong’o yiend sida madongo, kod yiend saipras mabeyo man kuno. Asechopo nyaka e chuny bungu, kuma ni iye mogik, kendo ma yien odichie.

2 Ruodhi 19:3

mondo odhi owachne niya, “Hezekia owacho ni kawuono en chieng’ dhier gi kum kod wichkuot. Wachalo gi dhako ma muoch kayo, to onge muya mochologo nyathi.

2 Ruodhi 19:30

Jo-Juda modong’ nochal gi yath matero tiendene piny, kendo nyago olemo e bedene,

2 Ruodhi 19:31

nimar joma nok modong’ nowuog Jerusalem. Adier, oganda mar joma otony noa e got Sayun. Ruoth Nyasaye oseketo chunye mondo otim mano.”

2 Ruodhi 19:5

Kamano kane jodong ruoth Hezekia ochopo ir Isaya, nowachone wechego,

2 Weche mag Ndalo 32:20

Omiyo ruoth Hezekia kod Isaya janabi ma wuod Amoz nolemo ka ywak ni Nyasaye.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 50:21

Isetimo gigi duto, to nikech ok asewacho gimoro, omiyo iparo ni achalo kodi. To koro abiro kweri e wang’i ka anyisi wechego duto, achiel ka achiel!

Zaburi 74:18

To par ineye A Nyasaye, kaka wasiki mofuwo jari.

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Jeremia 23:36

To kik gichak gimul weche ma wacho ni, ‘Wach Ruoth Nyasaye en ting’ mapek,’ nikech ka ng’ato omulogi, to anami wachna bedne mapek adier! Ji oseketho weche Nyasachgi, ma Nyasaye mangima, kendo ma Ruoth Nyasaye manyalo Gik Moko Duto.

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Jeremia 42:9

Nowachonigi niya, “Ruoth Nyasaye ma Nyasach Israel, mane uora ire mondo apenjnu wach, owacho kama:

Ezekiel 36:37

“An Ruoth Nyasaye amedo wacho niya, ‘Abiro timo gik moko madongo kata moloyo mago. Abiroo yie jo-Israel okwaya mondo akonygi, mi ami ginya mathoth mana ka kueth rombe.

Jo-Rumi 11:5

Kamano ndalogi bende nitie joma odong’ ma Nyasaye oyiero kuom ng’wonone.

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

Joshua 14:12

Omiyo koro miya piny gode mane Ruoth Nyasaye osingorena e kinde cha. Chieng’ cha donge niwinjo ni jo-Anak odak kuno, kendo ni gin gi mier madongo kendo mochiel matek mar siro wasigu? To dipo ka Ruoth Nyasaye okonya, mi ariembogi kaka nosesingorena.”

Joshua 3:10

Tinende unuyud ranyisi ni Nyasaye mangima ni kodu, kendo nodarnu jo-Kanaan gi jo-Hiti gi jo-Hivi gi jo-Perizi gi jo-Girgash gi jo-Amor kod jo-Jebus.

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”

1 Samuel 17:10

Eka nomedo wacho niya, “Athiano ni jolweny mag Israel ni kawuono keluru ng’ato mondo akedgo.”

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”

1 Samuel 17:45

Daudi nodwoko ja-Filistiano niya, “Ibirona gi ligangla gi tong’ abaja kod tong’ dindo, to an abironi mana e nying Ruoth Nyasaye Manyalo Gik Moko Duto ma Nyasach jolweny mag Israel, mithianonigi.