2 Ruodhi 19:34 - MUMA MALER 2015

³⁴ nimar anaked ni dalani mondo aresi, nikech nyinga, kendo nikech Daudi jatichna.”

Motingʼo Loko Manyien

³⁴ Abiro kedone dala maduongʼni, kendo rese; nikech nyinga kod nying Daudi jatichna.’ ”

2 Ruodhi 19:34 ပူးပေါင်းရင်းမြစ်များ

1 Ruodhi 15:4

To kata kamano, Ruoth Nyasaye ma Nyasache noketo wuode ruoth kare, mondo obedne ka taya maliel e Jerusalem mana nikech nying Daudi, kendo nomiyo Jerusalem ogurore,

2 Ruodhi 20:6

Abiro medi ndalo moromo higni apar gabich, bende abiro resi kaachiel gi dala Jerusalem e lwet ruodh Asuria, kendo abiro rito dalani nikech nyinga, kendo nikech Daudi jatichna.’ ”

2 Ruodhi 8:19

To kata kamano, Ruoth Nyasaye ne ok otieko jo-Juda, nikech noparo Daudi jatichne, nimar nosesingorene ni anywolane nobed e kom duong’ ka taya malielne nyaka chieng’.

Isaya 31:5

Bende kaka winyo huyo but ode, ka rito nyithinde, e kaka Ruoth Nyasaye Manyalo Gik Moko Duto nobed karito Jerusalem. Ee, norite kendo nokonye, bende norese.”

Isaya 38:6

Omiyo abiro medi ndalo moromo higni apar gabich, bende abiro resi kaachiel gi dala Jerusalem e lwet ruodh Asuria, kendo abiro rito dalani.’ ” Eka Isaya ne owacho ni jood Hezekia ni mondo okel ng’owo moswagi, omwon e bur mokuodo Hezekia. Ne gitimo kamano, mi bur nochango. Bang’ mano, Hezekia nopenjo niya: Ere gima biro bedona ranyisi ni abiro dhi e Od Ruoth Nyasaye?

Isaya 43:25

An kende e jal ma rucho richou oko, mi ok chak par kendo, nikech mano e gima ahero timo.

Isaya 48:11

Ne atimo kamano nikech nyinga. Ee, mana nikech nyinga awuon, nimar ere kaka dayie mondo nyinga okethre? Ok ayie mondo duong’ ma imiya omi nyasaye moro machielo.

Isaya 48:9

Kar tiekou to ne aterora mos, mi ageng’o mirimba mana nikech nyinga gi duong’na.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Jeremia 33:21

to kara singruok mane atimo gi Daudi jatichna ni kinde duto nyakware ema nobed ruoth, bende nyalo kethore, kendo singruok mane atimo gi jodolo ma jo-Lawi ma tiyona bende dikethre.

Jeremia 33:26

to eka anyalo ketho singruok mane atimo gi nyikwa Jakobo kendo gi Daudi jatichna, ni anaket nyakwar Daudi moro obed ruodh nyikwa Ibrahim gi Isaka kod Jakobo. Adier, abiro timonigi ng’wono mi gichak gidhi nyime maber.”

Ezekiel 36:22

“Koro nyis jo-Israel ni an Ruoth Nyasaye awachonigi kama: Gima abiro timo ok abi timo nikech un, jo-Israel, to abiro timo mana nikech nyinga maler, ma usekelone wichkuot kamoro amora ma usedhiye e kind ogendini duto.

Hosea 1:7

to anaher jo-Juda. An Ruoth Nyasaye anaresgi, to ok naresgi gi lweny, kata gi gilweny.”

Zekaria 9:8

“Anachung’ e pinya ka jarito, mondo ng’ato kik donji kata wuogi, mi wasigu ok nochak olo joga nimar aseneno thagruokgi gi wang’a.”

Jo-Efeso 1:14

Roho e singo ma nyiso ni wananwang’ gik ma Nyasaye osesingore ni nomi joge, kendo omiyo wabedo gi adier ni Nyasaye nowar joge chuth, mondo ji opak duong’ne maler.

Jo-Efeso 1:6

Ne otimo kamano mondo ji opak ng’wonone man gi duong’ mane otimonwa kuom Wuode mohero.

Rapar mar Chik 32:27

To naparo ni dipo ka wasigu ojara, ka gipakore ni gin ema gisetimo gigo duto, to ok an, Ruoth Nyasaye.’