2 Ruodhi 19:26 - MUMA MALER 2015

²⁶ Ma joma odakie chalo gi lum mae pap, maonge gi teko, kata ka lum matwi e tat ot, to ner kapok odongo, nimar ne gionge gi teko, kendo ne ging’eng’ ka luoro omakogi.

Motingʼo Loko Manyien

²⁶ Joge teko orumonegi mi gibuok kendo gidongʼ gi wichkuot. Gichalo gi cham manie puodho kata ka maua mangʼich mathiewo, kata ka lum madongo ewi tado, to ner kapok odongo.

2 Ruodhi 19:26 ပူးပေါင်းရင်းမြစ်များ

Chakruok 41:23

To wi ngano abiriyo moko motho, kendo ma yamb oro otwoyo, nowuok bang’gi.

Chakruok 41:6

To bang’ mano wi ngano abiriyo moko motho kendo ma yamb oro otwoyo nowuok e tiang’no.

Zaburi 102:11

Ngimana kadho piyo mana ka tipo mar odhiambo, kendo achalo gi lum maner.

Zaburi 127:1

Ka ok Ruoth Nyasaye ema ogero ot, to tich gedo odhi kanono, kendo ka ok en ema orito dala, to tich jorito ok nyal gimoro!

Zaburi 92:7

joma timbegi mono dongo ka buya, kendo joricho dhi nyime maber, to kata kamano, notiekgi duto chuth,

Isaya 13:8

Rem bende noneggi mana ka dhako ma muoch kayo. Ng’ato ka ng’ato nong’i wadgi ka kihondko omako, kendo ka neno awedho.

Jeremia 37:10

To kata kapo ni uloyo jolweny duto mag Babulon ma monjougo, mi odong’ mana joma ohinyore ma nindo aninda, e hembegi, to joma ohinyorego pod dia malo, mi wang’ Jerusalem pep.”

Jeremia 51:30

Jolweny mag Babulon oringo lweny, mopondo mana kuonde mochiel motegno. Luoro omakogi, mi koro gichalo mana mon. Dhorangeye dala osemuki, mowang’ udi gi mach.

Jeremia 51:32

Gisekawo dhowedhe, kendo giwang’o odundu gi mach, mi kibaji ogoyo jolweny mag Babulon.

Kwan 11:23

Eka Ruoth Nyasaye nopenjo Musa niya, “Bende nitie gimoro manyalo tamo Ruoth Nyasaye? Kawuono ibiro ng’eyo ka wechena gin adier, kata ka ok gin adier.”

Kwan 14:9

To kik uwe Ruoth Nyasaye, bende kik uluor jopinyno, nimar wabiro mwonyogi amwonya. Tipo ma nyocha ogeng’ogi osea, to wan, Ruoth Nyasaye ni kodwa, omiyo kik uluorgi.”

Mathayo 10:27

Gima awachonu e mudho, wachuru e lela, kendo gima okuodhnu e itu, to huluru ratiro.

1 Petro 1:24

En mana kaka Muma wacho ni, “Dhano duto chalo gi lum, kendo duong’ duto ma en-go chalo gi thiepe lum. Lum ner, kendo thiepe two.