2 Ruodhi 19:23 - MUMA MALER 2015

²³ Isejaro Ruoth Nyasaye kimiyo jooteni wacho niya, ‘Aseidho gode maboyo mag Lebanon, mi achopo midimidi, ka an gi gechena mag lweny mang’eny mokadho akwana. Bende asetong’o yiend sida madongo, kod yiend saipras mabeyo man kuno. Asechopo nyaka e chuny bungu, kuma ni iye mogik, kendo ma yien odichie.

Motingʼo Loko Manyien

²³ Kokalo kuom jooteni usegango weche mag ayany kuom Ruoth Nyasaye. Bende usewacho niya, “Gi gechena mangʼeny mag lweny aseidho gode maboyo mag Lebanon mi achopo ewi got mabor moloyo. Asetongʼo yiendene mag sida maboyo kendo mabeyo. Asechopo nyaka e chuny bungu ma iye mogik kuma yien odiche.

2 Ruodhi 19:23 ပူးပေါင်းရင်းမြစ်များ

2 Ruodhi 18:17

Ruodh Asuria nooro Tartan gi Rabsaris kod Rabshake, ma jodonge, kaachiel gi oganda lweny maduong’, ir Hezekia, mi ne giwuok Lakish ka gidhi Jerusalem. Kane gichopo kuno, ne gichung’ but fereji mane golo pi e Yawo Mamalo, e yo maduong’ madhi e puodho miluongo ni Puoth Jalwok Lewni.

2 Ruodhi 18:23

“Koro in Hezekia, singri ni ruodh Asuria ma atiyone! Ayie miyi farese alufu ariyo, kapo nono ni inyalo yudo joma diidhgi!

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

2 Weche mag Ndalo 26:10

E thim bende nogeroe kuonde maboyo mag siro lweny, kendo nokunyo yewni mang’eny, nimar ne en gi jamni mathoth e piny gode kendo e piny pap, bende ne en gi jopur gi jopith mzabibu mane tiyone e gode kod kuonde momew, nikech nohero pur.

2 Weche mag Ndalo 32:17

Bende Senakerib nondiko barupe mojarogo Ruoth Nyasaye ma Nyasach Israel kowuoyo marach kuome niya, “Kaka nyiseche mag jopinjego ne ok nyal resogi e lweta, e kaka Nyasach Hezekia bende ok nores joge e lweta.”

Zaburi 20:7

Ji moko ogeno kuom gechegi mag lweny, to moko ogeno kuom faresegi. Wan to wageno kuom teko mar Ruoth Nyasaye!

Zaburi 20:8

Joma kamago biro chwanyore, mi podhi, to wan wabiro a malo mi wachung’ motegno.

Isaya 10:13

nimar ruodh Asuria osewacho niya, “Aseloyo lwenjegi duto mana gi tekona kod riekona awuon, nikech an gi ng’eyo. Ne aketho tong’ mag pinje, mi ayako mwandugi mathoth, kendo anyono ji e buru.

Isaya 10:14

Lweta oseyudo kuonde ma mwandugi nitie, kendo asekawo pinje duto mana kaka ng’ato kawo tong’ e od winyo ma oringo, ma onge gima kwadho buombe, kata ma ng’amo dhoge, kata ma chwicho!”

Isaya 10:18

Notiekgi chuth, mana ka bunge kod puothe mag olembe mabeyo mowang’ chuth, kata ka ng’at ma tuo ochamo dende motieko,

Daniel 8:11

To bende nopiem gi jatend ogend lweny mag polo, mi nomiyo misengni mane itimo pile ni jatelono ogik, kendo omiyo lemo mar Hekalu bende ogik.