2 Ruodhi 19:22 - MUMA MALER 2015

²² To koro in, en ng’ano ma isejaro kendo iyanyo? Koso en ng’a, ma isekokne, kijowo wang’i! Nyaka ing’e ni en Ng’ama Ler mar Israel!

Motingʼo Loko Manyien

²² En ngʼa misejaro kendo yanyo? Koso en ngʼa ma isegone koko kijowo wangʼi, gi sunga. Donge en mana Jal Maler mar Israel!

2 Ruodhi 19:22 ပူးပေါင်းရင်းမြစ်များ

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

2 Ruodhi 19:6

nodwokogi niya, “Dhiuru uwach ni ruodhu ni Ruoth Nyasaye owacho kama: ‘Kik iluor weche ma isewinjo ka ruodh Asuria yanyago,

Zaburi 71:22

A Nyasaye, abiro paki ahinya gi thum, nikech in jaadiera. Abiro weroni wende gi thum, yaye Ng’ama Ler mar Israel.

Zaburi 73:9

Giwuoyo marach kuom Nyasaye manie polo, kendo gigolo chike ni joma nie piny ka gisungore.

Zaburi 78:41

Adier, ne gitemo Nyasaye kinde mang’eny, nyaka ne gimiyo Ng’ama Ler mar Israel okecho.

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Wuok 9:17

To kaka pod ithago joga, kendo ok iyienigi mondo gia,

Ngeche 30:13

Bende nitie ji moko ma paro ni beyo ahinya. Yaye, mano kaka gisungore!

Isaya 10:13

nimar ruodh Asuria osewacho niya, “Aseloyo lwenjegi duto mana gi tekona kod riekona awuon, nikech an gi ng’eyo. Ne aketho tong’ mag pinje, mi ayako mwandugi mathoth, kendo anyono ji e buru.

Isaya 10:15

To Ruoth Nyasaye nowacho niya, “Bende le disungre ni ng’at matong’o kode? Koso musemeno dibed maduong’ moloyo ng’ama ng’eto kode? Mano nyalo timore mana ka luth nyalo yiengo ng’ama oting’e, kata ka arungu bende nyalo ting’o dhano ma sirore kode!”

Isaya 30:15

Ruoth Nyasaye ma Ng’ama Ler mar Israel owacho niya, “Kuduogo ira, mi ubedo gi kue, to unuyud resruok. Bende kudemboru, kendo uketo genou kuoma, to un ubed gi teko.” To kata kamano ne udagi,

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Jeremia 51:5

An Ruoth Nyasaye Manyalo Gik Moko Duto pok ajwang’o jo-Israel gi jo-Juda, kata obedo ni gisetimo timbe maricho e nyima kamano, an Ng’ama Ler mar Israel.

Daniel 8:11

To bende nopiem gi jatend ogend lweny mag polo, mi nomiyo misengni mane itimo pile ni jatelono ogik, kendo omiyo lemo mar Hekalu bende ogik.

2 Jo-Korintho 10:5

kod sunga mamon gi rieko mar Nyasaye. Waketo paro duto mag dhano e tuech mondo owinj Kristo.

2 Jo-Thesalonika 2:4

Obiro sungore, kokwero gimoro amora miluongo ni nyasaye, kata gimoro amora milamo. Enohedhre kata mana bet e Hekalu mar Nyasaye, kohulo owuon ni en Nyasaye.