2 Ruodhi 19:21 - MUMA MALER 2015

²¹ omiyo osewuoyo kuom Senakerib kama: “In Senakerib, dala Sayun ochayi kendo jari! Ee, dala Sayun twenyoni ume!

Motingʼo Loko Manyien

²¹ Ma e wach ma Jehova Nyasaye osewacho kuom Senakerib: “ ‘Nyar Sayun Mangili ochayi kendo jari. Nyar Jerusalem kino wiye koneni kiringo.

2 Ruodhi 19:21 ပူးပေါင်းရင်းမြစ်များ

Ayub 16:4

Ka da bed ni an e un, to an bende dawacho gik moko duto muwachogo. Da agonu wiya ka ng’ama riek, kendo da arogonu gi weche mogundho.

Zaburi 109:25

Ka ji onena, to gigoyona siboi. Gitwenyo umgi ka gijara.

Zaburi 137:8

In Babulon bende ibiro kethi, kendo ng’at ma ochuloni kuor kuom gik ma isetimonwa en jahawi!

Zaburi 44:14

Ne ilokowa ngero ma ogendini goyo, omiyo gigoyonwa siboi, ka gijarowa.

Zaburi 9:14

mondo achung’ e nyim jo-Jerusalem, ka anyisogi gik moko duto momiyo apaki. Abiro bedo mail nikech iseresa.

Isaya 1:8

Sayun kende ema odong’, ka kiru mar jorito modong’ e puodho bang’ keyo. En dala ma wasigu olworo koni gi koni.

Isaya 23:10

Kuom mano, pururu lowo un jo-Tarshish, nikech ohandu biro rumo!

Isaya 23:12

Osewacho niya, “Yaye, un jo-Sidon, dala mothir, ok unuchak uubed mamor. Kata ka ung’ado nam mudhi Saiprus, to kuno bende ok unuyudie yueyo.

Isaya 47:1

In Babulon, dala ma pok olo, bed piny e lowo. Ee, in dala maduong’ mar jo-Kaldai, we komlochni, ibed piny e buru. Ji ok nochak odendi ka gima in nyako ma dende yom, kendo mosedak e ngima maber!

Isaya 47:5

Yaye, dala maduong’ mar jo-Kaldai, bed kiling’ thi, kendo gumbi idhiyo e mudho mandiwa, nimar ok nochak oluongi ni min pinje mang’eny.

Jeremia 14:17

“In Jeremia, wach ni ji kama: ‘Pi wang’a mondo omol odiechieng’ gotieno! Onego kik awe ywak nimar joga osego matek, mi ohinyore malit.

Jeremia 18:13

“Kuom mano an Ruoth Nyasaye awacho kama: Penjieuru ogendini duto ka gima kama osetimore nyaka nene. Jo-Israel osetimo gima rach miwuoro!

Jeremia 31:4

Jo-Israel, abiro chako gerou, kendo ubiro tueyo gara, mi umiel gi ilo.

Jeremia 46:11

“Un jo Misri, dhiuru e piny Gilead umanyie yath. Yedheu duto ok kony gimoro. Onge gima nyalo thiedhou.

Ywagruok 1:15

“Osenyono joga duto marateke, kendo oseluongo oganda lweny mang’ongo mondo otiek yawuota ma jolweny. Bende osenyono dala maduong’ mar Juda mana ka ng’ama nyono olemo mar bicho.

Ywagruok 2:13

Yaye Jerusalem, ere kaka daho chunyi? Ere chandruok ma dapim gi marino? Koso ang’o ma dapimgo, mondo aho chunyi, yaye Sayun? Adhondi duong’ ka nam! Ere ng’ama dithiedhi?

Ywagruok 2:15

Yaye Jerusalem, ji duto makadho buti pamo lwetgi ka seyi. Gisicho, kendo gitwenyo umgi, ka gipenjore niya, “Adier, ma e dala ma ji luongo ni ‘Dala Maberie Moloyo’, kendo ni, ‘Dala Makelo Mor Ni Piny Ngima.’ ”

Ywagruok 4:21

Un jo-Edom, modak e piny Uz, ero umor kendo uil, to ng’euru ni kikombe mwamadhoni, ema un bende ubiro madho! Enomeru mi unyis dugu.

Amos 5:2

“Oganda Israel osepodho, to ok nochak oa malo. Opodho piny auma e lope owuon, kendo onge ng’ama ochunge.”

Mika 4:8

Omiyo in Jerusalem, dala ma Nyasaye ritoe joge, ibiro bedo dala maduong’, kendo loch mane in go chon biro duogoni.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Mathayo 27:39

Joma ne kadho kanyo nojaro Yesu, katwenyone umgi,