2 Ruodhi 18:8 - MUMA MALER 2015

⁸ kendo noloyo jo-Filistia e lweny, kokawo mier madongo gi matindo duto, nyaka Gaza gi mier mokiewo kode.

Motingʼo Loko Manyien

⁸ Noloyo jo-Filistia chakre kuonde ngʼicho motingʼore gi malo nyaka dala maduongʼ mochiel motegno, mochopo nyaka Gaza gi mier mokiewo kode.

2 Ruodhi 18:8 ပူးပေါင်းရင်းမြစ်များ

1 Ruodhi 5:4

To koro Ruoth Nyasaye ma Nyasacha osemiya kue kuonde duto, kendo aonge gi wasigu kata masira moro.

2 Ruodhi 17:9

Jo-Israel noyanyo Ruoth Nyasaye ma Nyasachgi, kendo ne gigero ut lemo e hembko mane nie miechgi matindo gi madongo duto.

1 Weche mag Ndalo 4:41

Joma nyinggi osendikgo nochopo kuno e ndalo Hezekia ruodh Juda. Ne giketho hemb jo-Ham kod jo-Maun, mane giyudo kuno kendo ne ginegogi duto, ma pok ndachgi oneno nyaka chil kawuono. Piny nokue, kendo oboch, mi ne gidak e pinyno, nikech ne nitie lek ni jambgi.

2 Weche mag Ndalo 26:10

E thim bende nogeroe kuonde maboyo mag siro lweny, kendo nokunyo yewni mang’eny, nimar ne en gi jamni mathoth e piny gode kendo e piny pap, bende ne en gi jopur gi jopith mzabibu mane tiyone e gode kod kuonde momew, nikech nohero pur.

2 Weche mag Ndalo 28:18

Jo-Filistia bende nosemonjo miech Juda manie piny pap kod manie thim. Ne gikawo Beth-shemesh gi Aijalon gi Gederoth kod Soko gi Timna gi Gimzo kod mier mokiewo kodgi, mi gidakie.

Isaya 14:29

Yaye un jo Filistia kata obedo ni luth mane goyou osetur kamano, to kik ubed mamor, nimar nyathi thuol nobed mager moloyo wuon, kendo nobed ndemu man gi kwiri marach!

Isaya 5:2

Ne opure maber mi ogolo kite mane nitie, kendo opidhoe mzabibu mabeyo ahinya. Ne ogero ot mabor mar rito e dier puodhono, kendo ne okunyo bur mibiyoe mzabibu e lwanda man kuno. Ne ogeno ni puotheno biro nyagone olemo mabeyo, to kar timo kamano ne onyago mana olemo makech.

Rapar mar Chik 2:23

To jo-Avim mane odak e mier matindo but Gaza, jo-Kaftor ema notieko, mokawo pinygi, modakie.)

Joshua 15:47

Ashdod gi Gaza, kod mieche mochopo nyaka aora manie tong’gi gi Misri, kendo nyaka Nam Mediterenia ne maggi bende.