2 Ruodhi 18:6 - MUMA MALER 2015

⁶ nikech nopadore kuom Ruoth Nyasaye chutho, ka ok oweyo luwe, kendo norito chike duto mane Ruoth Nyasaye omiyo Musa.

Motingʼo Loko Manyien

⁶ Ne osiko kogeno kuom Jehova Nyasaye mi ok noweyo luwe; kendo ne orito chike mane Jehova Nyasaye omiyo Musa.

2 Ruodhi 18:6 ပူးပေါင်းရင်းမြစ်များ

2 Ruodhi 17:13

Ruoth Nyasaye ne siemo jo-Israel kod jo-Juda, kooronigi jonabi gi jokor wach duto, kowachonigi niya, “Weuru yoreu maricho, mondo umak chikena gi buchena ma jonabina mane aoro onyiso kwereu.”

2 Ruodhi 17:16

Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

2 Ruodhi 17:19

Jo-Juda bende ne ok orito chik Ruoth Nyasaye ma Nyasachgi, to ne giluwo mana timbe mane jo-Israel ochako timo.

2 Ruodhi 20:3

“A Ruoth Nyasaye, asayi, parie kaka asewuotho e nyimi gi adieri kod chuny mobidhore, ka atimo gik malong’oni.” Eka ne oywak malit.

Isaya 38:3

“A Ruoth Nyasaye asayi; parie kaka asewuotho e nyimi gi adiera kod chuny mobidhore, ka atimo gik malong’oni.” Eka ne oywak malit!

Jeremia 11:4

En singruok mane atimo gi kweregi kane agologi e piny Misri, e sand mager ka mach makakni. Ne awachonigi ni ka girito chikena, kendo gitimo gik moko duto ma anyisogi, to ginibed joga, kendo anabed Nyasachgi.

Johana 14:15

“Ka uhera to unumak chikena.

Johana 14:21

Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.”

Johana 15:10

Ka urito chikna, to eka usiko e herana, mana kaka an bende aserito chik Wuora, kendo asiko e herane.

Johana 15:14

Ka utimo gik ma achikou, to eka un osiepena.

Tich Joote 11:23

Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

Rapar mar Chik 10:12

“Koro un jo-Israel, ang’o ma Ruoth Nyasaye ma Nyasachu dwaro kuomu? Donge odwaro mana ni mondo uluore kendo uwuoth e yorene duto, kuhere kendo kutiyone gi chunyu duto?

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Joshua 23:8

To padreuru kuom Ruoth Nyasaye gi chuny modimbore, mana kaka usetimo nyaka chil kawuono.

1 Johana 5:3

nikech hero Nyasaye en mako chikene. Chike Nyasaye ok tek rito,