2 Ruodhi 18:5 - MUMA MALER 2015

⁵ Hezekia nogeno Ruoth Nyasaye ma Nyasach Israel, kendo onge ruoth moro machal kode kuom ruodhi duto mag Juda,

Motingʼo Loko Manyien

⁵ Hezekia ne ogeno kuom Jehova Nyasaye ma Nyasach Israel. Ne onge ngʼama osechalo kode e dier ruodhi duto mag Juda, bedni negisebedo e loch chon kata bangʼe.

2 Ruodhi 18:5 ပူးပေါင်းရင်းမြစ်များ

2 Ruodhi 18:19

Rabshake nowachonigi ni mondo ginyis Hezekia ni ruoth maduong’, ma ruodh Asuria owachone kama: “Ere gimomiyo idhialori kamano?

2 Ruodhi 19:10

“Kik iyie Nyasachi migeno kuomeno wuondi ni ruodh Asuria ok nokaw Jerusalem

2 Ruodhi 23:25

Onge ruoth moro kata achiel mane oluwo Ruoth Nyasaye gi chunye duto, kod tekone duto, komako chike duto mag Musa, kaka Josia notimo.

2 Weche mag Ndalo 14:11

Asa noywak ni Ruoth Nyasaye ma Nyasache niya, “A Ruoth Nyasaye ma Nyasachwa, konywa nikech wageno kuomi, kendo wabiro rado gi ogandani mana e nyingi. A Ruoth Nyasaye, in e Nyasachwa, kik dhano adhana loyi!”

2 Weche mag Ndalo 20:20

Jo-Juda ne ochiew gokinyi mang’ich mondo odhi e thim Tekoa, to kane gidhi, Jehoshafat nochung’ mowachonigi niya, “Winjuru un jo-Juda gi joma odak Jerusalem! Genuru kuom Ruoth Nyasaye ma Nyasachu, mi unukwo, kendo genuru kuom jonabi mage, mi unulo.”

2 Weche mag Ndalo 20:35

Bende Jehoshafat ruodh Juda notimo winjruok gi Ahazia ruodh Israel mane timbene richo.

Ayub 13:15

Kata bed ni Nyasaye biro nega, to onge wach! Pod abiro mana wacho wachna e nyime.

Zaburi 13:5

To an ageno kuom herani mosiko. Abiro bedo mamor nimar isewara.

Zaburi 84:12

A Ruoth Nyasaye Manyalo Gik Moko Duto, mano kaka joma ogeno kuomi gin johawi!

Isaya 36:7

To kuwachona ni ugeno kuom Ruoth Nyasaye ma Nyasachu, to donge en e Nyasaye ma Hezekia oseketho hembkone gi kuonde mitimonee misengni, kochiko jo-Juda gi jo-Jerusalem ni nyaka lem mana e nyim kendo-mar-misango man Jerusalem kende?

Isaya 38:3

“A Ruoth Nyasaye asayi; parie kaka asewuotho e nyimi gi adiera kod chuny mobidhore, ka atimo gik malong’oni.” Eka ne oywak malit!

Mathayo 27:43

Osebedo ka ogeno kuom Nyasaye mondo orese ane kohero, nikech nowacho ni en Wuod Nyasaye!”

Jo-Efeso 1:12

Notimo kamano mondo wan jo-Yahudi mane wakuongonu geno kuom Kristo, un joma ok jo-Yahudi, wami ji opak duong’ne maler.