2 Ruodhi 18:4 - MUMA MALER 2015

⁴ Noketho ut lemo mag hembko, kaachiel gi sirni milamo mag kite gi mag yien. Thuond mula mane Musa oloso, bende nong’ado matindotindo, nikech nyaka chop ndalogo, jo-Israel ne pod wang’oe ubani. Thuondno niluongo ni Nekushtan, (tiende ni, gima olos gi mula.)

Motingʼo Loko Manyien

⁴ Nomuko kuonde motingʼore malo mag lemo, mi otoyo kite milamo kendo ongʼado sirni milamo mag Ashera. Ne otoyo matindo tindo thuond mula mane Musa oloso, nikech nyaka chop ndalono jo-Israel nosebedo kawangʼo ne ubani (ne iluonge ni Nehushtan).

2 Ruodhi 18:4 ပူးပေါင်းရင်းမြစ်များ

1 Ruodhi 22:43

Jehoshafat noluwo timbe duto mag Asa wuon mare, ma ok oweyo kata achiel, kendo timbene ne long’o e nyim Ruoth Nyasaye. To hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

2 Ruodhi 10:26

mi gigoloe siro mane ji lamo, mi giwang’o.

2 Ruodhi 11:18

Mi ji duto nodhi momuko od Baal, kendo ne ginego Matan jadolo mar Baal e nyim kende mag liswago. Jehoyada noketo jorit e Od Ruoth Nyasaye.

2 Ruodhi 12:3

To kata kamano ne ok oketho hembko mane ni kuonde moting’ore, kendo ji ne pod timo misengni, kendo wang’o ubani kuondego.

2 Ruodhi 14:4

to kata kamano hembko mane ni kuonde moting’ore ne ok okethi, kendo ji ne pod timo misengni, kendo wang’o ubani kuondego.

2 Ruodhi 15:35

To kata kamano hembko mane ni kuonde moting’ore ne ok okethi. Ji ne pod timo misengni kendo wang’o ubani kuondego. Jotham ema nogero dhorangach mamalo mar Od Ruoth Nyasaye.

2 Ruodhi 15:4

To kata kamano hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

2 Ruodhi 16:15

Ruoth Ahaz nowacho ni Uria jadolo niya, “E kendo maduong’ni ema nitimie misango mar okinyi, kod mar mogo mitimo godhiambo, gi mar ruoth kod misangone mar mogo kod misengni miolo piny. Inikir kuome remo duto mag misengni mamoko. To kendo-mar-mula ema anapenjie Ruoth Nyasaye wach.”

2 Ruodhi 18:22

To kuwachona ni ugeno kuom Ruoth Nyasaye ma Nyasachu, donge en ema Hezekia oseketho hembkone gi kuonde mitimonee misengni kochiko jo-Juda gi jo-Jerusalem ni nyaka lem mana e nyim kendo-mar-misango man Jerusalem?

2 Ruodhi 21:3

Nochako oloso hembko mane ni kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo siro milamo miluongo ni Ashera, kaka Ahab ruodh Israel notimo, bende nolamo sulue duto, kotiyonigi.

2 Ruodhi 23:14

Noturo sirni mag kite gi mag yien mane ji lamo, motoyogi matindotindo, mi kuonde mane gichungie nodino gi choke ji.

2 Ruodhi 23:4

Eka ruoth nochiko Hilkia jadolo maduong’, gi jadolo maluwe, kod jorit dhoot, ni mondo gik moko duto milamogo Baal gi siro miluongo ni Ashera kod sulue, ogol e Od Ruoth Nyasaye. Nowang’ogi e bath Jerusalem e paw aora Kidron, mi notero buchgi nyaka Bethel.

2 Weche mag Ndalo 19:3

Kata kamano kamoro bende iber, nimar nigolo sirni milamo e piny, kendo iketo chunyi kuom luwo Nyasaye.”

2 Weche mag Ndalo 31:1

Kane mago duto oserumo, jo-Israel duto mane osechokore Jerusalem nodhi e miech Juda. Ne gimuko sirni milamo mag kite gi mag yien, gi ut lemo mag hembko, kod kende-mag-liswa e piny Juda gi Benjamin kod Efraim gi Manase, nyaka ne gitieko kethogi duto te. Eka jo-Israel duto nodok e miechgi.

2 Weche mag Ndalo 33:3

Nochako oloso hembko man kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo sirni milamo, kendo nolamo sulue duto kotiyonigi.

Zaburi 78:58

Ne giwang’o iye ka gilemo e hembko man kuonde moting’ore, kendo ne gimiyo nyiego omake, ka gilamo kido mag nyiseche manono.

Wuok 23:24

To kik ukulru ni nyiseche jogo, kata kik ulamgi. Bende kik utim gik ma jogo timo. Nyaka uketh nyisechegi chuth, kendo nyaka umuk sirni maggi ma gilamo.

Wuok 34:13

Nyaka umuk kendegi mag liswa, kendo uketh sirni maggi milamo, mag kite gi mag yien.

Isaya 36:7

To kuwachona ni ugeno kuom Ruoth Nyasaye ma Nyasachu, to donge en e Nyasaye ma Hezekia oseketho hembkone gi kuonde mitimonee misengni, kochiko jo-Juda gi jo-Jerusalem ni nyaka lem mana e nyim kendo-mar-misango man Jerusalem kende?

Tim jo-Lawi 26:30

Anaketh kuonde hembko mau, kendo anamuk kendeu mag ubani. Anadhur ringreu motop kuom kido motop mag nyisecheu manono, kendo najwang’u.

Rapar mar Chik 5:5

Chutho an nachung’ e kindu gi Ruoth Nyasaye e sechego, mondo eka akownu weche Ruoth Nyasaye nikech nuluoro mach, mi ne ok uidho godno. “Ruoth Nyasaye nowacho niya,

Rapar mar Chik 7:5

Kuom mano, onego utimnigi mana kama: Mukuru kendegi mag liswa, kendo kethuru sirni maggi milamo mag kite gi mag yien, mi uwang’ kido mag nyisechegi manono,

Jong’ad Bura 6:25

Otienono Ruoth Nyasaye nowacho ni Gideon niya, “Kaw rwadh wuoru, gi rwath machielo ma hike abiriyo, kendo imuk kendo-mar-liswa mar Baal ma wuoru orito, bende ing’ad siro milamo mochung’ e bathe.

Jong’ad Bura 6:28

Kane jodala ochiew gokinyi, ne giyudo ka omuk kendo-mar-liswa mar Baal, kendo otong’ siro mane ochung’ e bathe, mi ochiw rwath ka misango miwang’o pep e kendo-mar-misango mane Gideon ogero.