2 Ruodhi 18:17 - MUMA MALER 2015

¹⁷ Ruodh Asuria nooro Tartan gi Rabsaris kod Rabshake, ma jodonge, kaachiel gi oganda lweny maduong’, ir Hezekia, mi ne giwuok Lakish ka gidhi Jerusalem. Kane gichopo kuno, ne gichung’ but fereji mane golo pi e Yawo Mamalo, e yo maduong’ madhi e puodho miluongo ni Puoth Jalwok Lewni.

Motingʼo Loko Manyien

¹⁷ Ruodh Asuria nooro jatend jolweny mare maduongʼ, jatend jolweny maluwe to gi jatend lweny motelo e kar kedo kaachiel gi jolweny mangʼeny ir Hezekia Jerusalem ka gia Lakish. Negidhi nyaka Jerusalem ma gichopo e bath Soko man malo nyaka e puoth jaluoko.

2 Ruodhi 18:17 ပူးပေါင်းရင်းမြစ်များ

2 Ruodhi 14:19

Joge moko nojame Jerusalem, mi noringo nyaka Lakish, to ne gilawe mi ginege kuno.

2 Ruodhi 18:16

E ndalono ema Hezekia nogoloe dhahabu mane obawgo thike kod sirni mag dhood Ruoth Nyasaye, momiyo ruodh Asuria.

2 Ruodhi 19:23

Isejaro Ruoth Nyasaye kimiyo jooteni wacho niya, ‘Aseidho gode maboyo mag Lebanon, mi achopo midimidi, ka an gi gechena mag lweny mang’eny mokadho akwana. Bende asetong’o yiend sida madongo, kod yiend saipras mabeyo man kuno. Asechopo nyaka e chuny bungu, kuma ni iye mogik, kendo ma yien odichie.

2 Ruodhi 19:6

nodwokogi niya, “Dhiuru uwach ni ruodhu ni Ruoth Nyasaye owacho kama: ‘Kik iluor weche ma isewinjo ka ruodh Asuria yanyago,

2 Ruodhi 20:20

Weche moko mag Hezekia, gi tekone duto, kendo kaka noloso yawo gi fereji maduong’ mane kelo pi Jerusalem, ondik e Kitap Weche mag Ndalo mag Juda.

2 Weche mag Ndalo 12:4

Nokawo miech Juda mochiel gi ohinga nyaka nochopo Jerusalem.

2 Weche mag Ndalo 32:9

Bang’ mano Senakerib ruodh Asuria mane oyudo olworo Lakish kod ogandane duto mag lweny, nooro joote Jerusalem ir Hezekia ruodh Juda gi jo-Juda duto ma nodak kuno, kowacho niya,

Isaya 20:1

Sargon ruodh Asuria ne ooro jatend lweny mare Ashdod, mi okawo dalano bang’ lweny mager.

Isaya 36:2

Ne ooro Rabshake kod oganda lweny mang’ongo ka en Lakish mondo odhi Jerusalem ir ruoth Hezekia. Kane Rabshake ochopo kuno, ne ochung’ but fereji magolo pi e yawo mamalo man yo mochiko puodho miluongo ni Puoth Jalwok Lewni.

Isaya 7:3

Eka Ruoth Nyasaye nowacho ni Isaya niya, “Dhiyo gi wuodi Shear-jashub ir Ahaz kama fereji mar pi mamalo ogikie but yo mochiko puodho miluongo ni puoth Jalwok Lewni, mondo iwachne kama: