2 Ruodhi 18:16 - MUMA MALER 2015

¹⁶ E ndalono ema Hezekia nogoloe dhahabu mane obawgo thike kod sirni mag dhood Ruoth Nyasaye, momiyo ruodh Asuria.

Motingʼo Loko Manyien

¹⁶ E sa onogo ema ne Hezekia ruodh Juda ne ogolo oko dhahabu mane obawogo dhoudi kod sirni mag hekalu mar Jehova Nyasaye kendo nomiyogi ruodh Asuria.

2 Ruodhi 18:16 ပူးပေါင်းရင်းမြစ်များ

2 Ruodhi 12:18

To Joash ruodh Juda nokawo gik moko duto mane Jehoshafat gi Jehoram kod Ahazia osechiwo ni Ruoth Nyasaye. (Kwerene adekgo duto nosebet ruodhi mag Juda.) Gigo duto Joash nooro ni Hazael ruodh Aram, kaachiel gi gik moko mane en owuon osechiwo ni Ruoth Nyasaye, kaachiel gi dhahabu duto mane nie kar keno mar Od Ruoth Nyasaye, kod kar keno mar od ruoth. Mi Hazael ne ok omonjo Jerusalem.

2 Ruodhi 12:19

Weche moko mag Joash, gi timbene duto, ondiki e Kitap Weche mag Ndalo mag Ruodhi mag Juda.

2 Ruodhi 18:15

Mi Hezekia nomiye fedha duto mane nie Od Ruoth Nyasaye, kod mane nie kar keno mar od ruoth.

2 Ruodhi 18:17

Ruodh Asuria nooro Tartan gi Rabsaris kod Rabshake, ma jodonge, kaachiel gi oganda lweny maduong’, ir Hezekia, mi ne giwuok Lakish ka gidhi Jerusalem. Kane gichopo kuno, ne gichung’ but fereji mane golo pi e Yawo Mamalo, e yo maduong’ madhi e puodho miluongo ni Puoth Jalwok Lewni.

2 Weche mag Ndalo 29:3

E due mokwongo mar higa mane ochakoe lochne, noyawo dhout Hekalu mar Ruoth Nyasaye, moloso.

Isaya 39:2

Hezekia norwako jootego, monyisogi mwandune duto mane ni e ode mar keno, kaka fedha gi dhahabu gi gik mang’ue ng’ar, gi mo ma nengone tek kod gilweny, kaachiel gi gik moko duto mane ni kuonde kanone. Onge gimoro amora e ode kata e pinye mane ok onyisogi.