2 Ruodhi 18:15 - MUMA MALER 2015

¹⁵ Mi Hezekia nomiye fedha duto mane nie Od Ruoth Nyasaye, kod mane nie kar keno mar od ruoth.

Motingʼo Loko Manyien

¹⁵ Omiyo Hezekia nomiye fedha duto mane oyud e hekalu mar Jehova Nyasaye to gi ute keno duto mag od ruoth.

2 Ruodhi 18:15 ပူးပေါင်းရင်းမြစ်များ

1 Ruodhi 15:15

Nokawo fedha gi dhahabu kod gik lemo, mi oketo e od Ruoth Nyasaye, to moko en owuon ema nochiwo.

2 Ruodhi 12:18

To Joash ruodh Juda nokawo gik moko duto mane Jehoshafat gi Jehoram kod Ahazia osechiwo ni Ruoth Nyasaye. (Kwerene adekgo duto nosebet ruodhi mag Juda.) Gigo duto Joash nooro ni Hazael ruodh Aram, kaachiel gi gik moko mane en owuon osechiwo ni Ruoth Nyasaye, kaachiel gi dhahabu duto mane nie kar keno mar Od Ruoth Nyasaye, kod kar keno mar od ruoth. Mi Hazael ne ok omonjo Jerusalem.

2 Ruodhi 12:19

Weche moko mag Joash, gi timbene duto, ondiki e Kitap Weche mag Ndalo mag Ruodhi mag Juda.

2 Ruodhi 16:8

Bende Ahaz nokawo fedha gi dhahabu mane nie Od Ruoth Nyasaye kod kar keno mar od ruoth, mooro ni ruodh Asuria kaka chiwo.

2 Ruodhi 18:16

E ndalono ema Hezekia nogoloe dhahabu mane obawgo thike kod sirni mag dhood Ruoth Nyasaye, momiyo ruodh Asuria.

2 Weche mag Ndalo 16:2

Eka Asa nokawo fedha gi dhahabu kuom mwandu mag Od Ruoth Nyasaye kod mag ode owuon. Noorogi ni Benhadad ruodh Aram ma nodak Damaski gi wach niya,

Isaya 39:2

Hezekia norwako jootego, monyisogi mwandune duto mane ni e ode mar keno, kaka fedha gi dhahabu gi gik mang’ue ng’ar, gi mo ma nengone tek kod gilweny, kaachiel gi gik moko duto mane ni kuonde kanone. Onge gimoro amora e ode kata e pinye mane ok onyisogi.