2 Ruodhi 18:12 - MUMA MALER 2015

¹² Wachno notimore nikech ne ok girito chik Ruoth Nyasaye ma Nyasachgi, to ne giketho singruok mane gitimo kodgi. Ne ok gimako weche duto mane Musa jatich Ruoth Nyasaye ochikogi, kata dewogi bende ne ok gidewo.

Motingʼo Loko Manyien

¹² Ma notimore nikech ne ok girito chike Jehova Nyasaye ma Nyasachgi, to negiketho singruok mane Musa jatich Jehova Nyasaye ochikogi. Kata kamano ne ok girito chikene kata timo dwarone.

2 Ruodhi 18:12 ပူးပေါင်းရင်းမြစ်များ

1 Ruodhi 9:6

To ka un kata nyithindu, ulokoru muweyo luwa, ka ok umako wechena gi chikena mane aketo e nyimu, mudhi tiyo ni nyiseche mamoko, kendo lamogi,

2 Ruodhi 21:8

Ka jo-Israel orito gik moko duto mane achikogi, kendo gitimogi, bende ka giluwo chike duto mane Musa jatichna onyisogi, to ok nariembgi e piny mane amiyo kweregi.”

Nehemia 9:17

Ne gitamore luwo chikni, kendo ne ok giparo honni ma nitimo e nyimgi. Ne gisiko ka tokgi tek, mi giketo ng’ato otelnigi, mondo gidog gibed wasumbni e piny Misri. To ne ok ijwang’ogi, nikech in Nyasaye mang’won, ma weyoni ji richogi, kendo mohero kecho ji. Iyi ok wang’ piyo, to herani osiko.

Zaburi 107:17

Joma moko ne tuo nikech richogi. Adier, ne githagore nikech timbegi mamono.

Zaburi 78:10

Ne ok girito singruok mane gisetimo gi Nyasaye. Kamano ne gitamore rito chikene.

Zaburi 81:12

Kuom mano, ne aweyogi mondo gidhi, ka wigi tek kamano, mondo gitim mana gik ma gin giwegi ema gidwaro.

Isaya 1:19

Ka uyie kuoma, mumako chikna gi chunyu duto, to unucham gik mabeyo duto manie piny.

Jeremia 3:8

Ne gineno bende kaka ne ariembo jo-Israel nikech ne giweya ka dhako moweyo chwore, to dwanyore gi chwo mamoko. To jo-Juda ma owetegigo ma bende joma andhoke ne ok odewo, mi gin bende ne giweya, kendo ne gidhi gidwanyore ka dhako moweyo chwore to dwanyore gi chwo mamoko.

Jeremia 7:23

To ne achikogi matek mondo giluora, eka abed Nyasachgi, kendo gibed joga. Bende nanyisogi ni nyaka gitim gik mane achikogi, eka mondo gidhi maber.

Ezekiel 11:12

Anakumu kamano nikech ok userito chikena kata luwo yorena, to usemana luwo chike mag ogendini mamoko mokiewo kodu.”

Daniel 9:5

Waseketho, kendo wabedo joricho kwatimo marach. Wasedagi timo gima ne ichikowa ni mondo watim, mi waweyo chikeni gi bucheni.

Amos 2:6

Ruoth Nyasaye owacho niya, “Un jo-Israel usetimo richo mang’eny, omiyo abiro kumou mak orem, nimar ung’iewo joma onge gi ketho, nikech pok gichulo gopegi. Joma odhier ma ok nyal chulo kata mana nengo patpat bende ung’iewo ka wasumbni.

Mika 3:4

Kinde biro ma unuywagie ni Ruoth Nyasaye, to ok nodwoku, kata mana winjo lemou ok nowinji, nikech timbe maricho musetimo.

Kwan 12:7

To jatichna Musa ok en janabi ma kamano en kende e jaadiera kuom joga duto.

Rapar mar Chik 11:28

To ka ok uritogi, mi ubaro kuweyo yo ma asechikou kawuono mondo uluw, mulamo nyiseche mamoko ma ok ung’eyo, to ubiro yudo kuong’.

Rapar mar Chik 31:16

Ruoth Nyasaye nowacho ni Musa niya, “Ka isetho, moyiki, to jogi biro weya mi luw nyiseche mag jomoko ma gidhi yudo ka gidonjo e pinyno, mana kaka dhako weyo chwore, to dwanyore gi chwo mamoko. Giniweya, kendo giniketh singruok ma asetimo kodgi.

Rapar mar Chik 31:17

Kuom mano, mirimba mager noliel kuomgi ka mach mi notiekgi. Anawegi, kendo ok nakwan-gi ka joga, mi ginithagre malit, kendo ginine masiche madongo. Eka bang’e giniwach niya, ‘Thagruokgi osebironwa mana nikech Nyasachwa koro ok ni kodwa.’

Rapar mar Chik 34:5

Kamano, Musa jatich Ruoth Nyasaye notho e piny Moab kuno, mana kaka Ruoth Nyasaye nosewacho,

Rapar mar Chik 8:20

Adier, ka ok uluoro Ruoth Nyasaye ma Nyasachu, to notieku mana kaka ogendini ma obiro tieko ka odonjo e pinyni.

2 Jo-Thesalonika 1:8

e mach maliel mondo ochul kuor ni joma ok oyie Nyasaye, kendo ni joma odagi winjo Wach Maber man kuom Ruodhwa Yesu.

2 Timotheo 2:24

Jatich Ruoth ok owinjore bed makwiny, to onego obed ng’ama ng’won gi ji duto, kendo obed japuonj molony, mahore mos,

Joshua 1:1

Kane Musa jatich Ruoth Nyasaye osetho, Ruoth Nyasaye nowacho ni Joshua wuod Nun, mane jalup Musa niya,

1 Petro 2:8

Muma kama chielo to wacho ni, “En e kidi mabiro chwanyo ji; Lwanda ma nomi gipodhi.” Gichwanyore nikech gidagi winjo Wach Maber. Mano e gima ne Nyasaye owalonigi.

1 Petro 4:17

Ndalo mar ng’ado bura osechopo, kendo jo-Nyasaye ema ikwongo ng’ad nigi bura! To ka wan ema bura ochakore kuomwa kamano, to jogo ma otamore winjo Wach Maber mar Nyasaye to nobed nadi,