2 Ruodhi 17:8 - MUMA MALER 2015

⁸ Ne gilamo nyiseche mamoko, kendo ne giluwo timbe mane ruodhi mag Israel oketo, kod timbe ogendini mane Nyasaye oriembo e pinygi mondo owe ni jo-Israel thuolo.

Motingʼo Loko Manyien

⁸ ka giluwo timbe mag ogendini mane Jehova Nyasaye osedaro oa kuomgi, to gi timbe moko mane ruodhi mag Israel noketo.

2 Ruodhi 17:8 ပူးပေါင်းရင်းမြစ်များ

1 Ruodhi 12:28

Omiyo ruoth Jeroboam noporo wach, moloso nyiruedhi ariyo mag dhahabu. Eka nowacho ni ji niya, “Un jo-Israel, usedhi Jerusalem moromo. Koro neuru nyisecheu mane ogolou e piny Misri!”

1 Ruodhi 21:26

Notimo gik makuero chuth, kolamo gik maket kaka jo-Amor ne timo. Jo-Amorgo ema ne Ruoth Nyasaye oriembo mondo owe ni jo-Israel.

2 Ruodhi 16:10

Kane ruoth Ahaz odhi Damaski romo gi Tiglath-pileser ruodh Asuria, noneno kendo-mar-misango mane ni kuno, mi nooro ni Uria jadolo kido mar kendono gi romne duto, manyise kaka ochalo.

2 Ruodhi 16:3

Noluwo timbe ruodhi mag Israel, to gima rach moloyo, en ni nowang’o wuode ka gir misango, koluwo timbe makuero mag ogendini mane Ruoth Nyasaye oriembo mondo owe thuolo ni jo-Israel.

2 Ruodhi 17:19

Jo-Juda bende ne ok orito chik Ruoth Nyasaye ma Nyasachgi, to ne giluwo mana timbe mane jo-Israel ochako timo.

2 Ruodhi 17:40

Kata kamano ne ok gidewo, to ne gisiko gi timbegi machon.

2 Ruodhi 21:2

Timbe Manase ne richo e nyim Ruoth Nyasaye, kaka timbe makuero mag ogendini mane Ruoth Nyasaye oriembo mondo owe thuolo ni jo-Israel.

Zaburi 106:35

to kar timo kamano, ne gikendore akenda kodgi, mi giluwo timbegi.

Wuok 23:24

To kik ukulru ni nyiseche jogo, kata kik ulamgi. Bende kik utim gik ma jogo timo. Nyaka uketh nyisechegi chuth, kendo nyaka umuk sirni maggi ma gilamo.

Jeremia 10:2

“Kik uluw timbe ogendini mamoko, kendo kik chunyu parre kuom honni muneno e kor polo, kata obedo ni gimiyo ogendini parore.

Ezekiel 5:6

To jo-Jerusalem osepiem koda, moweyo buchena kod chikena moloyo ogendini mamoko duto, nimar gisedagi chikena, mi gitamore rito.

Hosea 5:11

Jo-Israel ni e thagruok. Gisewito piny mane margi nikech ne giramo ni nyaka giring gidhi ir ji mamoko mondo okonygi, to kara jogo onge gima dikonygigo.

Tim jo-Lawi 18:3

Kik utim timbe jo-Misri, mane udak e pinygi, kata kik utim timbe jo-Kanaan ma aterou e pinygi. Kik ulu chike jogo duto,

Tim jo-Lawi 26:1

“Kik ulos kido mar nyasaye manono, kendo kik uchung kido mopa kata siro milamo. Kidi moro amora mopa kik bed e pinyu mukulorune kulamo, nikech an e Ruoth Nyasaye ma Nyasachu.

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”

Rapar mar Chik 18:9

“Kusedonjo e piny ma Ruoth Nyasaye ma Nyasachu biro miyou, to kik upuonjru luwo timbe makuero mag ogendini mamoko modak e pinyno.