2 Ruodhi 17:6 - MUMA MALER 2015

⁶ mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

Motingʼo Loko Manyien

⁶ E higa mar ochiko mar loch Hoshea, ruodh Asuria nokawo Samaria kendo nomako jo-Israel motero e twech Asuria. Nomiyogi kar dak Hala kod Gozan man but Aora Habor kaachiel gi mier mag Medes.

2 Ruodhi 17:6 ပူးပေါင်းရင်းမြစ်များ

Chakruok 10:2

Jafeth nonywolo Gomer gi Magog gi Madai gi Javan gi Tubal gi Meshak kod Tiras.

1 Ruodhi 8:46

“Ka gitimo gima isekwero, (nimar onge ng’ato ma ok kethi,) kendo ikecho kodgi, michiwogi e lwet wasikgi mondo otergi e tuech e piny wasikgigo, kuma bor kata kuma chiegni,

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Ruodhi 18:34

Nyiseche mag Hamath gi Arpad ni kanye? Koso ere nyiseche mag Sefarvaim gi Hena kod Iva? Bende ne gireso Samaria e lweta?

2 Ruodhi 19:12

Kwerena nonego jo-Gozan gi jo-Haran gi jo-Rezef kod jo-Eden ma nodak Telasar. Koro dak ne nyisechegi okonyogi?

2 Ruodhi 21:13

Abiro pimo Jerusalem gi tol mane apimogo Samaria, kendo gi rapim mane apimogo dhood Ahab. Abiro nang’o Jerusalem mapoth, mana kaka kungu nang’o puodho.

1 Weche mag Ndalo 5:22

Ne ginego ji mang’eny, nikech Nyasaye ema nomiyo lwenyno obedoe. Bang’e ne gidak e pinyno kar jogo, nyaka ndalo mane odargi kiterogi e tuech Babulon ochopo.

1 Weche mag Ndalo 5:26

Omiyo Nyasach Israel nomiyo Pul, ma bende iluongo ni Tiglath-peleser ruodh Asuria mondo omonj jo-Reuben gi jo-Gad kod jo-Manasego. Nodarogi moterogi nyaka Hala gi Habor gi Hasa kod Aora Gozan, kuma gidakie nyaka chil kawuono.

Ezra 6:2

To kitabu moro noyud Ekbatana, dala ruoth manie piny Media, mondikie niya:

Nehemia 9:32

“A Nyasachwa man gi teko, in e Nyasaye maduong’ kendo malich, ma rito singruokne gi adiera. Omiyo koro kik ikaw masiche mwanenogi mayot, nikech ruodhiwa gi jodongwa gi jodolowa gi jonabiwa gi kwerewa kod jogi duto osethagore, chakre ndalo loch ruodhi mag Asuria nyaka chil kawuono.

Isaya 10:9

Aseketho Kalno mana kaka naketho Karkermish, kendo asetimo ni Hanath mana kaka natimo ni Arpad, bende aseketho Samaria mana kaka naketho Damaski.

Isaya 13:17

Abiro kelo jo-Media, ma ok dew fedha kata ok gomb dhahabu, mondo omonjgi.

Isaya 17:4

E ndalogo, duong’ mar Israel nomich matin, mana ka ng’at ma tuo ochamo dende, kendo chue ma yande ochuego olal nono,

Isaya 21:2

Ne aneno kaka dala mandhogo ji, ondhogi. Ne awinjo ka Nyasaye jiwo jo-Elam kod jo-Media ni mondo odhi omonj Babulon kendo olwore, mondo sungane orum.

Isaya 36:17

nyaka chop abi mi agolu kendo ateru e piny machal gi pinyuni. En piny ma cham gi mzabibu chiekie maber, kendo ma makati gi divai ng’enyie.

Isaya 36:19

Nyiseche mag Hamath gi Arpad ni kanye? Koso ere nyiseche mag Sefarvaim? Bende ne gireso Samaria e lweta?

Isaya 37:18

A Ruoth Nyasaye, en adier ni ruodhi mag Asuria oseketho pinje duto,

Isaya 8:4

nimar kapok ong’eyo wacho ni ‘Baba’, kata ni ‘Mama,’ to ruodh Asuria nomonj Damaski kod Samaria, mi yak mwandugi duto.”

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Daniel 5:28

POGRUOK nyiso ni pinyi osepogi, mi omi jo-Media gi jo-Persia.”

Hosea 1:4

Eka Ruoth Nyasaye nowacho ni Hosea niya, “Chak nyathino ni Jezreel, nimar achiegni kumo ruodh Israel kuom remo mane Jehu wuon mare ochwero Jezreel. Abiro tieko loch nyikwa Jehu e Israel,

Hosea 1:6

Gomer nochako omako ich, monywolo nyako. Ruoth Nyasaye nowacho ni Hosea niya, “Chake ni Lo-ruhama, tiende ni, ma ok oher, nikech ok nachak aher jo-Israel, kata mana ng’wononigi ok nang’wonnigi,

Hosea 1:9

Eka Ruoth Nyasaye nowacho niya, “Chake ni Lo-ami, tiende ni joma ok joga, bende ok ayie bedo Nyasachu,”

Hosea 13:16

Jo-Israel nyaka yud kum kuom kethogi, nimar gisepiem gi Nyasachgi. Gibiro tho e lweny kendo nyithindgi nochwad piny, mi ried iye mondgi mayach.”

Hosea 8:8

Jo-Israel duto ibiro mwonyo, mi tieki pep. To kata mana sani ogendini mamoko okawogi ka joma nono.

Hosea 9:3

Jo-Israel ok nodong’ e piny Ruoth Nyasaye, to ginidog Misri, kata ginidhi Asuria kuma ginichamie chiemo mamiyo gibedo mogak.

Tim jo-Lawi 26:38

Karu nolal nono e kind ogendini, kendo piny wasiku nonang’u.

Amos 5:27

kendo abiro darou mi ateru e tuech, e piny man loka machielo mar Damaski.” Ruoth Nyasaye Manyalo Gik Moko Duto owacho kamano.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Rapar mar Chik 28:36

“Ruoth Nyasaye biro terou, kaachiel gi ruoth mubiro yiero, kuom oganda ma un ok ung’eyo kata kwereu bende ne ok ong’eyo, kendo kuno unulamie nyiseche mamoko mag yien kod mag kite.

Rapar mar Chik 28:64

Ruoth Nyasaye nokeu e kind ogendini, chakre tung’ piny konchiel nyaka tung’ piny komachielo, kendo kuondego duto unulamie nyiseche mag yien kod mag kite, ma un ok ung’eyo kata kwereu bende ne ok ong’eyo.

Rapar mar Chik 30:18

to ng’euru maler ni karu nolal nono, kendo ok unudag aming’a e piny ma ubiro donjoe mondo ukaw, kuseng’ado aora Jordan.