2 Ruodhi 17:4 - MUMA MALER 2015

⁴ To ruodh Asuria noyudo ni Hoshea ndhoge, nikech Hoshea noseoro joote ir So ruodh Misri, bende noweyo chulo osuru kaka nosebedo kotimo higa ka higa. Kuom mano, ruodh Asuria nomake, mokete e od tuech.

Motingʼo Loko Manyien

⁴ To ruodh Asuria nofwenyo ni Hoshea ne en andhoga, nimar nooro ji ir Osorkon ruodh Misri, bende ne ok ochiw osuru ne ruodh Asuria kaka ne osebedo kotimo higa ka higa. Kuom mano Shalmaneser nomake mokete e od twech.

2 Ruodhi 17:4 ပူးပေါင်းရင်းမြစ်များ

2 Ruodhi 17:3

Shalmaneser ruodh Asuria nokedo gi Hoshea, mi oloyo. Koro Hoshea nobet e bwo lochne, kendo golone osuru.

2 Ruodhi 17:5

Eka ruodh Asuria nomonjo pinyno duto, mochopo Samaria. Nolwore kuom higni adek,

2 Ruodhi 18:21

Ang’eyo ni idhialori nikech jo-Misri, to nyaka ing’e ni Farao ruodh Misri chalo gi odundu mobarore, ma ka ng’ato oyiengoree, to pilore, kendo chwowo lwete. Mano e kaka Farao ruodh Misri chalo ni ji duto mogeno kuome.

2 Ruodhi 24:1

E ndalo Jehoyakim, Nebukadnezar ruodh Babulon nobiro, mi Jehoyakim nobet e bwo lochne kuom higni adek. To bang’e nopiem kode, modagi lochne

2 Ruodhi 24:20

Jo-Jerusalem gi jo-Juda nomiyo Ruoth Nyasaye mirima, nyaka nogologi e nyime.

2 Ruodhi 25:7

Ne ginego yawuot Zedekia e wang’e koneno, eka ne gitoko wengene oko, kendo gitueye gi nyororo, mi gitere Babulon.

2 Weche mag Ndalo 32:11

Ok upar ni Hezekia witou mondo kech gi riyo onegu kowachonu ni Ruoth Nyasaye ma Nyasachu biro resou e lwet ruodh Asuria?

Hosea 10:4

Githoro weche manono ka gikuong’ore gi miriambo kendo giloso winjruok ma ok nyal konyo. Adiera oselokore miriambo, kendo landore e piny duto kaka kayongo ma ketho lowo.

Hosea 12:2

Ruoth Nyasaye dwaro yalo jo-Juda, bende obiro kumo jo-Israel maromre gi timbegi maricho.

Hosea 13:10

Ne ukwaya mondo aketnu ruoth gi jotelo, to ere kaka digires pinyni?

Hosea 8:10

To koro abiro chokogi mondo akumgi! Piyopiyo nono gibiro neno malit ka ruodh Asuria sandogi.

Rapar mar Chik 28:36

“Ruoth Nyasaye biro terou, kaachiel gi ruoth mubiro yiero, kuom oganda ma un ok ung’eyo kata kwereu bende ne ok ong’eyo, kendo kuno unulamie nyiseche mamoko mag yien kod mag kite.