2 Ruodhi 17:36 - MUMA MALER 2015

³⁶ To an ema mondo ukulruna kendo utimna misango, nikech an ema nagolou e piny Misri gi teko maduong’, karieyo bada ni lweny.

Motingʼo Loko Manyien

³⁶ To Jehova Nyasaye mane ogolou Misri gi teko mangʼongo korieyo lwete, en ema nyaka ulame. En ema onego ukulrune kendo en ema uchiwne misengini.

2 Ruodhi 17:36 ပူးပေါင်းရင်းမြစ်များ

1 Ruodhi 8:42

(nimar ji biro winjo humb nyingi maduong’, gi mar lueti motegno kod mar badi morie,)

2 Ruodhi 17:39

to lamuru mana an Ruoth Nyasaye, mi anaresu e lwet wasiku duto.”

Zaburi 136:12

Adier, nogologi gi lwete motegno kod bade mojing’! Herane mosiko ochwere.

Wuok 14:15

Ruoth Nyasaye nowacho ni Musa niya, “Marang’o iywakna? Wach ni jo-Israel odhi adhiya nyime.

Wuok 6:6

Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Wuok 9:15

Ka dine arie bada mi agoyi gi tuo moro, kaachiel gi jogi, to dikoro kari oselal.

Jeremia 32:21

Ne itiyo gi tekoni maduong’ kod riekoni kuom timo ranyisi gi honni mane ibwogogo wasikwa, mi igolo jogi e piny Misri.

Tim jo-Lawi 19:32

“Nyaka uchung’ ni ng’ama duong’ ma wiye oti lwar, kumiye duong’ kendo uluor Ruoth Nyasaye ma Nyasachu. An e Ruoth Nyasaye.

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Tich Joote 4:30

Rie badi mondo ichang ji, kendo imi ranyisi gi honni otimre e nying Yesu Jatichni Maler.”

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Rapar mar Chik 5:15

Paruru malong’o ni un uwegi ne un wasumbni e piny Misri, to Ruoth Nyasaye ma Nyasachu nogolou kuno gi teko mathoth kod bat morie. Mano emomiyo Ruoth Nyasaye ma Nyasachu nochikou ni mondo urit Sabato.

Rapar mar Chik 6:12

to kik wiu wil gi Ruoth Nyasaye mane ogolou e piny Misri, kuma ne ubedoe wasumbni.

Rapar mar Chik 6:13

Luoruru Ruoth Nyasaye ma Nyasachu, kendo utine. Ka ukuong’oru to nyaka ukuong’ru mana gi nyinge.

Fweny 15:4

A Ruoth, en ng’ano ma ok nyal luori, kata ma ok nyal miyo nyingi duong’? In kendi ema iler! Ogendini duto nobi, mi kulre e nyimi, nikech timbeni makare osenenore ratiro.”