2 Ruodhi 17:34 - MUMA MALER 2015

³⁴ Pod giluwo timbe machon-go nyaka chil kawuono. Ok giluoro Ruoth Nyasaye, bende ok giluw buchene gi yorene, kata mako puonjne, kata rito chik mane oketo ni nyikwa Jakobo, jal mane Ruoth Nyasaye oloko nyinge ni Israel.

Motingʼo Loko Manyien

³⁴ Pod gitamore weyo timbegigo nyaka chil kawuono. Ok gilam Jehova Nyasaye kata rito buchene, wechene, chikene kod puonj ma Jehova Nyasaye nomiyo nyikwa Jakobo, ma bangʼe noloko nyinge ni Israel.

2 Ruodhi 17:34 ပူးပေါင်းရင်းမြစ်များ

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

Chakruok 32:29

Jakobo nokwaye niya, “Yie inyisa nyingi.” To nopenje ni, “Ang’o momiyo ipenja nyinga?” Kata kamano noguedhe.

Chakruok 33:20

Nogero kendo-mar-misango kanyo, mochako ni Elelohe-Israel, (tiende ni, El, ma Nyasach Israel.)

Chakruok 35:10

kowachone niya, “Nyingi en Jakobo, to chakre kawuono ok noluongi ni Jakobo, to nyingi koro en Israel.” Kamano nochake ni Israel.

1 Ruodhi 11:31

Nowacho ni Jeroboam niya, “Kaw kidienje apar obed magi nimar Ruoth Nyasaye ma Nyasach Israel owacho niya, ‘Winji, achiegni golo loch e lwet Solomon. Abiro miyi dhoudi apar,

1 Ruodhi 18:11

Koro iora mondo adhi anyis ruodha ni, ‘Elija ni ka!’

1 Ruodhi 18:31

Nokawo kite apar gariyo maromre gi kwan mar dhout yawuot Jakobo, jal mane wach Ruoth Nyasaye obirone niya, “Nyingi noluong ni Israel.”

2 Ruodhi 17:25

To kane gichako dak kanyo, ne ok gilam Ruoth Nyasaye, omiyo Ruoth Nyasaye nooro sibuoche, monego jomoko kuomgi.

2 Ruodhi 17:33

Kamano ne gilamo Ruoth Nyasaye, to bende ne gitiyo ni nyisechegi giwegi, ka giluwo timbe pinje mane ogolgie.

2 Ruodhi 17:40

Kata kamano ne ok gidewo, to ne gisiko gi timbegi machon.

Zaburi 55:20

Jowuodha machon ne omonjo osiepene, moketho singruokne kodgi.

Ngeche 14:2

Ng’at makare oluoro Ruoth Nyasaye. Ng’at ma achach to ochaye achaya.

Isaya 48:1

Winjuru, un joka Jakobo, miluongo ni jo-Israel, kendo ma koth Juda. Ukuong’oru gi nying Ruoth Nyasaye, kendo ulamo Nyasach Israel, to ok ulame gi adiera, kata e yo makare,