2 Ruodhi 17:32 - MUMA MALER 2015

³² To kaachiel gi nyisechego ne gilamo Ruoth Nyasaye bende, kendo ne giyiero ji ariyo mondo obed jodolo mag hembko mane ni kuonde moting’ore, mondo otimnigi misengni kuondego.

Motingʼo Loko Manyien

³² Negilamo Jehova Nyasaye, to bende negiyiero jogi giwegi mopogore opogore mondo obednegi jodolo e kuonde lemo motingʼore gi malo.

2 Ruodhi 17:32 ပူးပေါင်းရင်းမြစ်များ

1 Ruodhi 12:31

Nogero ut liswa e hembko mane oseloso moketoe jodolo moa e dhoudi duto, kata mane ok nyikwa Lawi.

1 Ruodhi 12:33

Chieng’ due apar gabich, due mar aboro, due mane oseyiero, nosudo e dho kendo-mar-misango mane oseloso Bethel, motimo sawo ni jo-Israel kendo owang’o misango e kendono.

1 Ruodhi 13:31

Kane oseyike, nowacho ni yawuote niya, “An katho, to uyika e liel moyikie ng’at Nyasayeni, kuketo chokena but chokene,

1 Ruodhi 13:33

To kata kamano, Jeroboam ne ok oweyo yorene maricho, to nomedo keto jomoko nono mondo obed jodolo ma rito hembko man kuonde moting’ore, kopwodho ng’ato ang’ata ma ne dwaro bedo jadolo.

2 Ruodhi 17:25

To kane gichako dak kanyo, ne ok gilam Ruoth Nyasaye, omiyo Ruoth Nyasaye nooro sibuoche, monego jomoko kuomgi.

2 Ruodhi 17:29

To kata kamano, oganda ka oganda ne pod loso nyisechegi giwegi, kendo ketogi ei ut lemo mane jo-Samaria oloso e hembko mane ni kuonde moting’ore. Nyiseche mane oganda ka oganda oloso e miechgi e magi:

2 Ruodhi 17:33

Kamano ne gilamo Ruoth Nyasaye, to bende ne gitiyo ni nyisechegi giwegi, ka giluwo timbe pinje mane ogolgie.

2 Ruodhi 17:41

Kamano ogendinigo ne lamo Ruoth Nyasaye, to gi nyiseche manono bende. Nyithindgi gi nyikwagi ne timo kaka kweregi ne timo, kendo pod gitimo kamano nyaka chil kawuono.

2 Ruodhi 23:19

Bende Josia noketho od lemo mane nie hembko man kuonde moting’ore, mane ruodhi mag Israel ogero e miech Samaria, kamiyogo Ruoth Nyasaye mirima.

Ezra 4:2

ne gidhi ir Zerubabel gi Jeshua kod jodong dhoudi, mi giwachonigi niya, “We wakonyu gedo, nikech Nyasachuno ema wan bende walamo, kendo wasebedo ka watimone misango, chakre ndalo loch Esarhadon ruodh Asuria, ma nokelowa ku.”

Zefania 1:5

Bende abiro tieko ji maidho ewi udi, kendo kulore piny kalamo gik manie kor polo, Kod joma lama an Ruoth Nyasaye, to kendo kuong’ore gi nying Milkom, nyasaye manono,