2 Ruodhi 17:18 - MUMA MALER 2015

¹⁸ Kuom mano, Ruoth Nyasaye nokecho ahinya gi jo-Israel, mi noriembogi e nyime, ma onge modong’ mak mana jo-Juda kende.

Motingʼo Loko Manyien

¹⁸ Omiyo Jehova Nyasaye iye nowangʼ gi jo-Israel mi nogologi e nyime. Dhood joka Juda kende ema ne odongʼ,

2 Ruodhi 17:18 ပူးပေါင်းရင်းမြစ်များ

1 Ruodhi 11:13

Kata kamano ok anagole duto, to anawene dhoot achiel, nikech ahero Daudi jatichna, kendo nikech dala Jerusalem ma aseyiero.”

1 Ruodhi 11:32

to Solomon nodong’ gi dhoot achiel, mana nikechh ahero Daudi jatichna, kendo nikech Jerusalem dala maseyiero kuom dhoudi duto mag Israel.

1 Ruodhi 11:36

Wuode to abiro miyo dhoot achiel, mondo Daudi jatichna obed gi taya maliel e nyima e Jerusalem, dala maseyiero mondo aketie nyinga.

1 Ruodhi 12:20

Kane jo-Israel duto owinjo ni Jeroboam oseduogo, ne giluonge e chokruok mi gikete ruodh Israel duto. Onge joma nodok ni Rehoboam kod jood Daudi mak mana jo-Juda kende, gi jo-Israel mane odak e dier jo-Juda.

1 Ruodhi 8:46

“Ka gitimo gima isekwero, (nimar onge ng’ato ma ok kethi,) kendo ikecho kodgi, michiwogi e lwet wasikgi mondo otergi e tuech e piny wasikgigo, kuma bor kata kuma chiegni,

2 Ruodhi 13:23

To Ruoth Nyasaye nong’wononigi, kendo nokechogi, koparo singruok mane otimo gi Ibrahim kendo gi Isaka kod Jakobo. Emomiyo ne ok otiekogi, kata witogi oko ne ok owitogi.

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

2 Ruodhi 21:14

Anawit joga awuon modong’, kendo anachiwgi e lwet wasikgi duto, mondo opegi, kendo oyakgi,

2 Ruodhi 23:27

To nowacho niya, “Abiro riembo jo-Juda bende mondo oa e nyima, kaka ne ariembo jo-Israel. Abiro jwang’o Jerusalem, dala mane ayiero, kendo abiro wito Hekalu mane awacho ni nyinga nobedie.”

2 Ruodhi 24:3

Adier, gigo notimore kuom jo-Juda mana kaka Ruoth Nyasaye nowacho, ni mondo ogolgi e nyime. Ruoth Nyasaye nodagi weyonigi kethogi, nikech richo mane Manase otimo,

Zaburi 51:13

Eka anapuonj joricho chikeni, mi giniduog iri.

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Jeremia 52:3

Jo-Jerusalem gi jo-Juda nomiyo Ruoth Nyasaye mirima, nyaka nodarogi, motergi e tuech. Zedekia nopiem, modagi loch ruodh Babulon.

Jeremia 7:15

Abiro riembou mondo ua e wang’a mana kaka ne ariembo oweteu ma jo-Efarim duto te.

Hosea 11:12

Ruoth Nyasaye wacho niya, “Jo-Israel osemera gi miriambo kod wuond, kendo jo-Juda bende pod osiko odagi wachna, an Ng’ama kare kendo maler.

Hosea 12:3

Jakobo kwargi nowuondo owadgi ka pod gin ei min-gi, kendo kane osedongo, ne oi gi Nyasaye.

Hosea 9:3

Jo-Israel ok nodong’ e piny Ruoth Nyasaye, to ginidog Misri, kata ginidhi Asuria kuma ginichamie chiemo mamiyo gibedo mogak.

Rapar mar Chik 32:20

Nowacho niya, ‘Ok named kwanogi ka joga, to abiro neno gikogi, nimar gin tieng’ ma wigi tek, nyithindo ma ok nyal gen.

Joshua 23:13

to Ruoth Nyasaye ma Nyasachu ok noriembnugi kendo. Ginibednu mana kaka obadho mochiknu, kata bur mokunynu, kendo ginibednu malit ka del michwadogo otengau, kata ka kuthe ma tucho wengeu. Mano notimrenu nyaka uduto karu lal chuth e piny maber ma Ruoth Nyasaye osemiyouni.

Joshua 23:15

Adier, Ruoth Nyasaye ma Nyasachu osetimonu gik moko duto mabeyo ma nowacho ni notimnu.

Jong’ad Bura 18:30

Bang’e jo-Dan nochungo kido manono cha mondo gilam, kendo Jonathan nyakwar Gershom ma wuod Musa, kaachiel gi yawuote kod nyikwaye, nobedo jodolo mag dhood Dan nyaka ndalo mane odarie jo-Israel, moter e tuech.