2 Ruodhi 17:16 - MUMA MALER 2015

¹⁶ Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

Motingʼo Loko Manyien

¹⁶ Negiweyo chike duto mag Jehova Nyasaye ma Nyasachgi magiloso nyiseche ariyo molos e kido mar nyaroya kendo machalo gi siro mar Ashera. Negikulore ne nyisechegi giwegi ma gilamo Baal.

2 Ruodhi 17:16 ပူးပေါင်းရင်းမြစ်များ

1 Ruodhi 12:28

Omiyo ruoth Jeroboam noporo wach, moloso nyiruedhi ariyo mag dhahabu. Eka nowacho ni ji niya, “Un jo-Israel, usedhi Jerusalem moromo. Koro neuru nyisecheu mane ogolou e piny Misri!”

1 Ruodhi 14:15

Ruoth Nyasaye biro goyo jo-Israel, mi ginikirni kaka odundu ma pi yiengo, kendo nogol jo-Israel oko e piny maber ma nomiyo kweregini, mi nokegi koterogi loka aora Yufrate nikech gisemiyo Ruoth Nyasaye mirima, ka gichungo sirni milamo miluongo ni Ashera.

1 Ruodhi 14:23

Ne giloso ut lemo e hembko mane ni kuonde moting’ore, kendo ne gichungo sirni milamo mag kite gi mag yath, e gode maboyo duto, kendo e tiend yien moro amora motimo otiep.

1 Ruodhi 15:13

Bende nogolo Maaka e duong’ne mar bedo min ruoth, nikech noloso kido makuero, maket gi nyasaye madhako miluongo ni Ashera. Asa nomuko gima ketno, mowang’o e dho aora Kidron.

1 Ruodhi 16:31

Ok noluwo mana richo mag Jeroboam kende, to gima rachie moloyo mane otimo, en ni nokendo Jezebel nyar Ethbaal ruodh jo-Sidon, kendo notiyo ni Baal, kolame.

1 Ruodhi 16:33

kendo nochungo siro milamo miluongo ni Ashera. Nomiyo Ruoth Nyasaye ma Nyasach Israel mirima moloyo ruodhi duto mag Israel ma nokwongone.

1 Ruodhi 22:53

Notiyo ni Baal, kendo nolame, komiyo Ruoth Nyasaye ma Nyasach Israel mirima mana kaka wuon mare notimo.

2 Ruodhi 1:2

Chieng’ moro Ahazia nogore piny koa e dirisa mar gorofa mar ode man Samaria, mohinyore. Nooro joote mondo odhi openj Baal-zebub nyasach Ekron kata kobiro kwo.

2 Ruodhi 11:18

Mi ji duto nodhi momuko od Baal, kendo ne ginego Matan jadolo mar Baal e nyim kende mag liswago. Jehoyada noketo jorit e Od Ruoth Nyasaye.

2 Ruodhi 16:3

Noluwo timbe ruodhi mag Israel, to gima rach moloyo, en ni nowang’o wuode ka gir misango, koluwo timbe makuero mag ogendini mane Ruoth Nyasaye oriembo mondo owe thuolo ni jo-Israel.

2 Ruodhi 17:10

Ne gichungo sirni milamo mag kite gi mag yien ewi gode maboyo duto, kendo yiend yath moro amora motimo otiep.

2 Ruodhi 18:6

nikech nopadore kuom Ruoth Nyasaye chutho, ka ok oweyo luwe, kendo norito chike duto mane Ruoth Nyasaye omiyo Musa.

2 Ruodhi 21:3

Nochako oloso hembko mane ni kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo siro milamo miluongo ni Ashera, kaka Ahab ruodh Israel notimo, bende nolamo sulue duto, kotiyonigi.

Wuok 32:4

Nokawo bonjego molenyo, eka noolo e gimoro mokuny iye e kido mar nyaroya, molosogo nyaroya. Jo-Israel nowacho niya, “Ma e nyasaye mane ogolowa e piny Misri!”

Wuok 32:8

Piyopiyo nono giseweyo yo mane achikogi ni mondo giluw, mi giseloso nyaroch dhahabu mondo gilam. Gisekulorene, kendo gisetimone liswa, ka giwacho niya, ‘A jo-Israel, ma e nyasaye ma nogolowa e piny Misri.’ ”

Isaya 2:8

To bende opong’ gi nyiseche manono ma lwetu uwegi ema oloso, ni to mago ema ulamo!

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Jeremia 44:17

Wabiro timo gik moko duto ma wasesingore ni watimo. Wabiro timo misengni ni nyasaye madhako miluongo ni Ruodh Polo, kendo wabiro chiwone misengni miolo piny, mana kaka wan gi kwerewa gi ruodhwa kod jotendwa ne watimo e miech Juda kendo e yore mag Jerusalem. E ndalono ne wan gi chiemo mogundho, kendo ne wadhi nyime maber maonge chandruok moro.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Ezekiel 23:8

Ne odhi adhiya nyime gi timbe chode mane osechako timo ka en Misri, kuma ne okethoree modoko jachode.

Tim jo-Lawi 26:1

“Kik ulos kido mar nyasaye manono, kendo kik uchung kido mopa kata siro milamo. Kidi moro amora mopa kik bed e pinyu mukulorune kulamo, nikech an e Ruoth Nyasaye ma Nyasachu.

Rapar mar Chik 16:21

“Kik upidh yath moro amora milamo but kendo-mar-misango, mubiro gero ni Ruoth Nyasaye ma Nyasachu,

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.