2 Ruodhi 17:15 - MUMA MALER 2015

¹⁵ Ne gichayo chikene gi singruokne mane otimo kod kweregi, kendo ne ok gidewo weche mane osiemogigo. Ne gilamo nyiseche manono, nyaka gin giwegi gidoko joma nono, nikech ne giluwo timbe mag ogendini mokiewo kodgi, mane Ruoth Nyasaye osekwerogi ni kik giluw.

Motingʼo Loko Manyien

¹⁵ Ne gidagi winjo buchene kod chikene mane otimo gi kweregi to gi siem mane omiyogi, negiluwo nyiseche maonge tich, ma gin bende gibedo ji manono. Negidonjo e kit timbe ogendini mane odak e diergi, kata obedo ni Jehova Nyasaye nosekwerogi ni kik gitim kaka gitimo kendo negitimo gik mane Jehova Nyasaye nokwerogi mondo kik gitim.

2 Ruodhi 17:15 ပူးပေါင်းရင်းမြစ်များ

1 Ruodhi 11:11

Emomiyo Ruoth Nyasaye nowacho ni Solomon niya, “Ok iserito singruokna gi buchena kaka nachiki, omiyo abiro golo loch kuomi, mi ami achiel kuom jotichni.

1 Ruodhi 16:13

Mano notimore nikech richo duto mag Baasha gi mag Ela wuode, ma ne gimiyo jo-Israel otimo, ka gimiyogo Ruoth Nyasaye ma Nyasach Israel mirima nikech nyiseche manono.

2 Ruodhi 17:8

Ne gilamo nyiseche mamoko, kendo ne giluwo timbe mane ruodhi mag Israel oketo, kod timbe ogendini mane Nyasaye oriembo e pinygi mondo owe ni jo-Israel thuolo.

2 Weche mag Ndalo 24:19

Kata kamano nooronigi jonabi mondo odwokgi ire. Jonabigo nosiemogi, to ne gidagi winjo.

2 Weche mag Ndalo 33:2

Timbene ne richo e nyim Ruoth Nyasaye kaka timbe makuero mag ogendini mane Ruoth Nyasaye oriembo mondo owe thuolo ni jo-Israel.

2 Weche mag Ndalo 33:9

Manase nosemo jo-Juda gi jo-Jerusalem, mi ne gimedo timo richo e nyim Ruoth Nyasaye moloyo ogendini mane Ruoth Nyasaye otieko mondo owe thuolo ni jo-Israel.

Nehemia 9:26

“To kata kamano ne wigi tek, mi ging’anyoni. Ne gilokore ni giweyo chikni, kendo ne ginego jonabi magi ma noyudo siemogi mondo giduog iri. Ne gichayi ahinya,

Zaburi 115:8

Joma loso kidogo, kaachiel gi jogo mogeno kuomgi, chalo mana gi kido mane gilosogo!

Zaburi 78:10

Ne ok girito singruok mane gisetimo gi Nyasaye. Kamano ne gitamore rito chikene.

Wuok 16:28

Eka Ruoth Nyasaye nowacho ni Musa niya, “Ubiro tamoru rito chikena gi buchena nyaka karang’o?

Jeremia 10:15

Gin gik manono moromo chayo, kendo gibiro rumo, chieng’ ma Ruoth Nyasaye biro mondo otiekgi.

Jeremia 10:8

Giduto gifuwo kendo gionge rieko, nikech giyudo riekogi manono mana kuom yien mopa!

Jeremia 2:5

Ruoth Nyasaye owacho niya, “Ang’o marach mane kwereu oneno kuoma, mane omiyo giweya? Ne gilamo nyiseche manono, mi gin bende gidoko joma nono.

Jeremia 31:32

Ok nochal gi singruok mane atimo gi kweregi kane atayogi kagologi e piny Misri, nimar ne giketho singruok mane atimo kodgi kata obedo ni ne an ruodhgi.

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Jeremia 44:23

Masirano nobiro kuomu kaka uneno kawuononi nimar ne utimo misengni ni nyiseche mamoko, mi utimo timbe maricho e nyim Ruoth Nyasaye. Ne ok uwinje, kata puonjne bende ne ok uluwo.”

Jeremia 44:4

Ne asiko ka aoronu jotichna ma jonabi mondo okweru kik utim gik makuero ma amon-gogo,

Jeremia 44:8

To mano ema biro timore, kumedo miya mirima gi kido mag nyisecheu manono, kendo kuom timo misengni ni nyiseche mamoko e piny Misri, kama usebiro mondo udagieni. Koso utimo kamano mana ni mondo urum, kendo mondo ogendini duto mae piny ojaru, kendo oluong nyingu ka gima okuong’?

Jeremia 7:26

To kata kamano ne ok gidewa, bende ne ok giwinja, to wigi nomedo doko matek moloyo kata mana wi kweregi.

Jeremia 8:9

Jorieko wigi okuot. Wach ogoyogi nyang’eng’o kendo dhogi omoko. Gisedagi wechena, koro ere rieko ma gin-go?

Ezekiel 12:2

“In wuod dhano, idak e kind joma jopiem. Gin gi wenge to ok ginyal neno gimoro, bende gin gi it, to ok ginyal winjo wach, nikech gin joma wigi tek.

Ezekiel 2:3

“In wuod dhano, aori ir jo-Israel ma oseng’anyo mopiem koda. Kaka kweregi nopiem koda, e kaka gin bende koro gipiem koda.

Tim jo-Lawi 26:15

mi udagi buchena, kendo ok uluwo yorena, mi uketho singruok mane atimo kodu,

Jona 2:8

Joma lamo nyiseche manono nyalo weyo gik ma gigeno kuomgi,

Johana 2:8

Eka nowachonigi ni, “Koro twomuru pi moko, uter ni jaduong’ kisera.” Ne gitimo kamano,

1 Jo-Korintho 8:4

To koro korka wach chamo chiemo motimgo misango ni nyiseche manono, wang’eyo ni, “nyasaye manono en ranyisi mar gimoro ma onge chuth”, kendo ni, “nitie mana Nyasaye achiel kende”, mana kaka uwacho.

Rapar mar Chik 18:10

Kik uyie ni ng’ato kuomu wang’ wuode kata nyare ka gir misango. Bende kik bedie jakor kata jambofwa kata jadil kata jandagla

Rapar mar Chik 29:24

Bang’e ogendni duto nopenjre ni, ‘Ang’o momiyi Ruoth Nyasaye osetimo gima kama e pinyni? Ere tiend mirima magerni?’

Rapar mar Chik 32:21

Gisemiyo nyiego omaka, nikech giselamo gikma ok nyasaye. Adier gisewang’o iya, nikech giselamo gima nono. Omiyo abiro miyo nyiego makgi ka ayiero oganda ma nono oloyo, kendo abiro wang’o igi, ka ayiero oganda ma ok dew Nyasaye.

Rapar mar Chik 32:31

To adier, lwanda mar wasikwa ok chal gi Lwandawa, kata mana wasikwa bende ong’eyo kamano.

1 Samuel 12:21

Weuru lamo nyiseche manono, ma ok nyal konyo, kata ma ok nyal reso gimoro, nikech gin mana gik manono.