2 Ruodhi 17:12 - MUMA MALER 2015

¹² Ne gilamo nyiseche manono mane Ruoth Nyasaye okwerogi ni kik gilam.

Motingʼo Loko Manyien

¹² Negilamo nyiseche manono, kata obedo ni Jehova Nyasaye nowachonegi niya, “Kik utim kamano.”

2 Ruodhi 17:12 ပူးပေါင်းရင်းမြစ်များ

1 Ruodhi 21:26

Notimo gik makuero chuth, kolamo gik maket kaka jo-Amor ne timo. Jo-Amorgo ema ne Ruoth Nyasaye oriembo mondo owe ni jo-Israel.

2 Ruodhi 17:11

Ne giwang’o ubani kuondego duto, kaka ogendini mane Ruoth Nyasaye oriembo e pinyno ne timo, kendo ne gitimo timbe mamono, mane omiyo Ruoth Nyasaye mirima.

2 Ruodhi 17:40

Kata kamano ne ok gidewo, to ne gisiko gi timbegi machon.

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 34:14

“Kik ulam nyasaye moro machielo ni mar an Ruoth Nyasaye, nyinga en Nyasaye ma Janyiego, kendo an Nyasaye ma janyiego adier!

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Tim jo-Lawi 26:1

“Kik ulos kido mar nyasaye manono, kendo kik uchung kido mopa kata siro milamo. Kidi moro amora mopa kik bed e pinyu mukulorune kulamo, nikech an e Ruoth Nyasaye ma Nyasachu.

Rapar mar Chik 12:4

“Un to, kulamo Ruoth Nyasaye ma Nyasachu, to kik ulem kaka jogo ne lamo nyisechegi.

Joshua 23:7

Kik utim osiep gi joma odong’ e kindugo, bende kik uluong nying nyisechegi kata kuong’oru gi nyinggi, kata lamogi.