2 Ruodhi 16:7 - MUMA MALER 2015

⁷ To kane Ahaz oyudo ni ruodhigo olwore kamano, nooro joote ir Tiglath-pileser ruodh Asuria, kowachone niya, “An nyathini kendo jatichni, yie ibi iresa e lwet ruodh Aram gi ruodh Israel ma kedo koda.”

Motingʼo Loko Manyien

⁷ Ahaz nooro joote mondo okone Tiglath-Pilesa ruodh Asuria kowacho niya, “An jatichni kendo anie e bwo lochni. Bi mondo iresa e lwet ruodh Aram kendo e lwet ruodh Israel mosemonja.”

2 Ruodhi 16:7 ပူးပေါင်းရင်းမြစ်များ

1 Ruodhi 20:4

Ruodh Israel nodwoke niya, “Ruodha, ok adagi gima iwacho. An mari, kaachiel gi giga duto.”

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

2 Ruodhi 18:7

Kuom mano, Ruoth Nyasaye ne ni kode, kendo noguedho gik moko duto mane otimo. Nodagi bet e bwo loch Asuria,

1 Weche mag Ndalo 5:26

Omiyo Nyasach Israel nomiyo Pul, ma bende iluongo ni Tiglath-peleser ruodh Asuria mondo omonj jo-Reuben gi jo-Gad kod jo-Manasego. Nodarogi moterogi nyaka Hala gi Habor gi Hasa kod Aora Gozan, kuma gidakie nyaka chil kawuono.

2 Weche mag Ndalo 28:16

E kindeno ruoth Ahaz nokwayo ruodh Asuria mondo okonye,

2 Weche mag Ndalo 28:20

Tiglath-pileser ruodh Asuria nobiro ir Ahaz, to kar konye, to nomonje.

Isaya 2:6

Ruoth Nyasaye osejwang’ou nikech uyie gi jo yo wuok chieng’ ma dhi ajuoga, kendo mawuoyo gi jochiende mana ka jo-Filistia. Bende jopinje mamoko yudore kamoro amora e pinyu.

Jeremia 13:21

Unuwach ni ji ang’o ka joma yande uparo ni osiepeu ema koro oket e wiu ka jotendu? Ubiro bedo gi rem mana ka dhako ma muoch kayo!

Jeremia 17:5

Ruoth Nyasaye wacho niya, “Okuong’ ng’at ma baro weya, to geno mana kuom dhano, ka parone bor koda.

Ywagruok 4:17

Wengewa ojony ka warango gima dikonywa, to kara mana kayiem. Oganda mane warito kwageno ni biro konyowa, to kara ne ok nyal gimoro.

Ezekiel 16:28

Joma ne isebedo ka idwanyorigo ok oromi, omiyo ne idwanyori gi jo-Asuria, to gin bende ne ok giromi.

Ezekiel 23:12

Gombo ne nege gi jodong Asuria, kod jotend lweny morwakore gi lep lweny mabeyo, kod jotend joidh farese, ma duto ne yawuowi ma pod tindo man gi chia.

Ezekiel 23:5

“To kata obedo ni Ohola ne chiega kamano, to ne odhi adhiya nyime gi timbene mag chode, kendo ne osiko kogombo chodene ma jo-Asuria. Chodenego ne jolweny morwako lep lweny maralige. Moko ne jotelo man gi tije madongodongo, kendo moko ne jotend jolweny maidho farese. Giduto ne gin yawuowi mapod tindo, man gi chia.

Hosea 14:3

Jo-Asuria ok nyal resowa, bende ok wanadwar geche mag lweny mondo waidhi. Ok wanachak wawach ni gik mwaseloso gi lwetwa niya, ‘Un e nyisechewa.’ A Ruoth Nyasaye, in ema itimo ng’wono ni joma onge ng’ama konyogi.”

Hosea 7:11

Jo-Israel chalo gi akuru mofuwo. Giluongo jo-Misri mondo okonygi, to kendo giringo gidhi e piny Asuria.