2 Ruodhi 16:3 - MUMA MALER 2015

³ Noluwo timbe ruodhi mag Israel, to gima rach moloyo, en ni nowang’o wuode ka gir misango, koluwo timbe makuero mag ogendini mane Ruoth Nyasaye oriembo mondo owe thuolo ni jo-Israel.

Motingʼo Loko Manyien

³ Noluwo timbe ruodhi mag Israel kendo nochiwo wuode mondo otimgo liswa kaka misango miwangʼo pep koluwo timbe mamono mag ogendini mane Jehova Nyasaye oriembo e nyim jo-Israel.

2 Ruodhi 16:3 ပူးပေါင်းရင်းမြစ်များ

1 Ruodhi 14:24

Bende ne giketo ji kuonde lemo mondo jolemo oterrego, kaka kit lemo margi nobet. Jo-Juda ne timo timbe makuero duto mag ogendini mane Ruoth Nyasaye oriembo mondo owe ni jo-Israel thuolo.

2 Ruodhi 17:16

Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

2 Ruodhi 17:17

Ne giwang’o yawuotgi gi nyigi ka misango, kendo ne giwuoyo gi nyakalondo. Kamano ne gichiwore ni timbe maricho e nyim Ruoth Nyasaye, ka gimiyego mirima.

2 Ruodhi 17:19

Jo-Juda bende ne ok orito chik Ruoth Nyasaye ma Nyasachgi, to ne giluwo mana timbe mane jo-Israel ochako timo.

2 Ruodhi 17:8

Ne gilamo nyiseche mamoko, kendo ne giluwo timbe mane ruodhi mag Israel oketo, kod timbe ogendini mane Nyasaye oriembo e pinygi mondo owe ni jo-Israel thuolo.

2 Ruodhi 21:11

“Manase ruodh Juda osetimo tim makuero, kod richo madongo moloyo mago duto mane jo-Amor otimo chon, kendo osemiyo jo-Juda bende obedo joricho, nikech nyisechene manono.

2 Ruodhi 21:2

Timbe Manase ne richo e nyim Ruoth Nyasaye, kaka timbe makuero mag ogendini mane Ruoth Nyasaye oriembo mondo owe thuolo ni jo-Israel.

2 Ruodhi 21:6

Nowang’o wuode bende, kotimogo misango. Noyie gi jokor wach gi jo nyakalondo kod ajuoke. Timbene maricho ne ng’eny e nyim Ruoth Nyasaye, omiyo mirima nomako Ruoth Nyasaye.

2 Ruodhi 21:9

To ne gitamore winjo, kendo Manase nosemogi ni mondo gimed timbegi maricho e nyim Ruoth Nyasaye moloyo ogendini mane Ruoth Nyasaye otieko mondo owe thuolo ni jo-Israel.

2 Ruodhi 23:10

Ruoth Josia noketho Tofeth manie holo mar Ben-hinom ni kik ji wang’ie nyithindgi ka misango ni Molek.

2 Ruodhi 8:18

Noluwo timbe ruodhi mag Israel, kaka jodhood Ahab notimo, nikech nokendo nyar Ahab. Timbene ne richo e nyim Ruoth Nyasaye.

2 Weche mag Ndalo 22:3

Ahazia bende noluwo timbe dhood Ahab nimar min mare nopuonje timbe maricho.

2 Weche mag Ndalo 33:2

Timbene ne richo e nyim Ruoth Nyasaye kaka timbe makuero mag ogendini mane Ruoth Nyasaye oriembo mondo owe thuolo ni jo-Israel.

2 Weche mag Ndalo 33:6

Nowang’o yawuote bende ka liswa e holo mar wuod Hinom. Noyie gi jokor wach gi jonyakalondo kod ajuoke. Timbene maricho ne ng’eny e nyim Ruoth Nyasaye, omiyo Ruoth Nyasaye nokecho kode.

Zaburi 106:35

to kar timo kamano, ne gikendore akenda kodgi, mi giluwo timbegi.

Isaya 57:5

Uoworu gi nyiseche manono e tiend yien mang’ich duto, kendo uwang’o nyithindu ka misengni e hohni, kendo e kind lwendni maboyo.

Jeremia 32:35

kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Ezekiel 16:21

ma pod ne ikawoe mana nyithinda, ichiwo ka misango ni nyiseche manono?

Ezekiel 16:47

Niluwo yoregi, mitimo timbe makuero mane gitimo, to mano ne ok oromi ngang’. Omiyo bang’ kinde matin kende, ne ibedo kitimo gik maricho moloyogi e yore duto.

Ezekiel 20:26

Ne amiyo gibedo mogak kuom gik mane gichiwo ni nyiseche manono, kendo kuom chiwo misango gi yawuotgi makayo. Ne atimo kamano mondo abwoggigo, mi ging’e ni an e Ruoth Nyasaye.

Ezekiel 20:31

Kata kawuono ka uchiwo mich kendo ka uwang’o yawuotu ka misango, to pod udhogoru mana gi nyiseche manono. To eka un jo-Israel pod uparo mana ni anyalo yie mondo upenja wach! To kaka an Ruoth Nyasaye mangima, ok ayienu mondo upenja gimoro kata matin!

Tim jo-Lawi 18:21

Kik ichiw nyathini moro ni nyasaye manono miluongo ni Molek, nikech kitimoo kamano to ikwedo nying Nyasachu. An e Ruoth Nyasaye.

Tim jo-Lawi 20:2

ni mondo onyis jo-Israel niya, “Ka ja-Israel moro amora kata japiny moro modak kuomgi ochiwo nyathine moro ni nyasaye moro manono miluongo ni Molek, to nyaka neg ng’atno. Jo-Israel duto nogoye gi kite, nyaka otho,

Mika 6:7

Koso Ruoth Nyasaye dibed mamor ka akelone rombe gana gi gana, kata ka akelone mor zeituni mamol ka aora? Koso onego achiw nyathina makayo ka misango mondo achulgo richona?

Rapar mar Chik 12:31

Kik ulam Ruoth Nyasaye ma Nyasachu kaka gilamo nyisechegi, nikech Ruoth Nyasaye mon gi timbe makuero ma gilamogo nyisechegi, nimar gise kata mana wang’o ni nyisechegigo yawuotgi gi nyigi ka misango.

Rapar mar Chik 18:10

Kik uyie ni ng’ato kuomu wang’ wuode kata nyare ka gir misango. Bende kik bedie jakor kata jambofwa kata jadil kata jandagla