2 Ruodhi 16:16 - MUMA MALER 2015

¹⁶ Uria jadolo notimo gik mojo duto kaka ruoth Ahaz nochike.

Motingʼo Loko Manyien

¹⁶ Kendo Uria jadolo notimo mana kaka ruoth Ahaz nochiko.

2 Ruodhi 16:16 ပူးပေါင်းရင်းမြစ်များ

2 Ruodhi 16:11

Uria jadolo noloso kendo-mar-misango machielo machal gi mano chuth, kendo notieke kapok ruoth Ahaz oduogo koa Damaski.

2 Ruodhi 16:15

Ruoth Ahaz nowacho ni Uria jadolo niya, “E kendo maduong’ni ema nitimie misango mar okinyi, kod mar mogo mitimo godhiambo, gi mar ruoth kod misangone mar mogo kod misengni miolo piny. Inikir kuome remo duto mag misengni mamoko. To kendo-mar-mula ema anapenjie Ruoth Nyasaye wach.”

2 Ruodhi 16:17

Ruoth Ahaz nong’ado frembe mag rachungi mane nie Hekalu, kendo nogolo nyilerni mane nie wigi. Gima ne iluongo ni nam bende nogolo kuom ruedhi mag mula mane nie bwoye, mi orenjo e rachungi mar kite.

2 Ruodhi 21:4

Nogero kende mag liswa e Hekalu mane Ruoth Nyasaye osewuoyo kuome niya, “Jerusalem ema naketie nyinga.”

2 Weche mag Ndalo 33:4

Nogero kende-mag-liswa ei Hekalu, mane Ruoth Nyasaye osewuoyo kuome niya, “Jerusalem ema nyinga nobedie nyaka chieng’.”

Isaya 8:2

Eka iluong Uria jadolo gi Zekaria wuod Jeberekia obed janeno, nikech gin joma long’o.”

Malaki 2:7

En tich jodolo mondo opuonj ji wach mar adiera mar Nyasaye, kendo ji onego odhi irgi mondo opuonjre chik Nyasaye, nikech gin jootena, An Ruoth Nyasaye Manyalo Gik Moko Duto.

Tich Joote 4:19

To Petro gi Johana ne joduokogi niya, “Un ema nyaka ung’ad wach uwegi kata ka en gima kare winjou moloyo winjo Nyasaye,

Tich Joote 5:29

Petro kod joote mamoko nodwokogi ni, “Nyasaye ema nyaka waluor, to ok dhano.

1 Jo-Thesalonika 2:4

to wawuoyo kaka joma Nyasaye oseyiego, momiyo Injili. Ok watem bedo malong’o ni ji, to wadwaro bedo malong’o ni Nyasaye, manono chunywa.

Juda 1:11

Mano kaka ginine malit! Gise mana luwo yo mane Kain oluwo, kendo gisemwomore e ketho mar Baalam nikech gihero pesa, bende giseng’anyo kaka Korah nong’anyo, mi girumo mana kaka en bende norumo.