2 Ruodhi 16:15 - MUMA MALER 2015

¹⁵ Ruoth Ahaz nowacho ni Uria jadolo niya, “E kendo maduong’ni ema nitimie misango mar okinyi, kod mar mogo mitimo godhiambo, gi mar ruoth kod misangone mar mogo kod misengni miolo piny. Inikir kuome remo duto mag misengni mamoko. To kendo-mar-mula ema anapenjie Ruoth Nyasaye wach.”

Motingʼo Loko Manyien

¹⁵ Eka ruoth Ahaz nogolo chik ne Uria jadolo niya, “E kendo manyien maduongʼni ema nyaka itimie misango miwangʼo pep mar okinyi, misango mar cham mar odhiambo, misango miwangʼo pep mar ruoth, kod misango mar cham mar ruoth kaachiel gi misango pep mar ji duto modak e pinyno, kod misangogi mag cham kod misango miolo piny. Kir remo mag misengini duto miwangʼo pep kod misengini mamoko ewi kendo mar misangono. To abiro tiyo gi kendo mar misango molos gi mula mondo angʼe gima kare monego atim.”

2 Ruodhi 16:15 ပူးပေါင်းရင်းမြစ်များ

Chakruok 44:5

Ang’o momiyo usekwalo kikombena mar fedha? En e kikombe ma ruodha methogo, kendo okorogo wach. Awuoro kaka usetimo gima rach moloyo!’ ”

1 Ruodhi 3:4

Ruoth Solomon ne jadhi Gibeon mondo otim misango, nikech ne en hembko mong’ere moloyo, kendo nothoro timo misengni miwang’o pep alufu achiel e kar misangono.

1 Ruodhi 7:23

Eka nolenyo mula molosogo gima duong’ ma ting’o pi, machal gi karaya, mochako ni Nam. Lach dhoge ne romo mita abich, kendo tutne ne romo mita ariyo gi nus, to alwora mar dhoge mita apar gabich.

1 Ruodhi 8:64

Chieng’ono ruoth nopwodho dier laru mane nie nyim Hekalu mar Ruoth Nyasaye, nikech kanyo ema notimoe misengni miwang’o pep, gi misengni mag sawo, nikech kendo-mar-misango mar mula mane nie nyim Ruoth Nyasaye ne tin, mane ok nyal timie misengnigo duto.

2 Ruodhi 16:14

To kendo-mar-misango mar mula mane nie nyim Ruoth Nyasaye nogolo e kind kendone manyien gi Od Ruoth Nyasaye, moketo yo nyandwat mar kendo manyienno.

2 Ruodhi 16:16

Uria jadolo notimo gik mojo duto kaka ruoth Ahaz nochike.

2 Ruodhi 18:4

Noketho ut lemo mag hembko, kaachiel gi sirni milamo mag kite gi mag yien. Thuond mula mane Musa oloso, bende nong’ado matindotindo, nikech nyaka chop ndalogo, jo-Israel ne pod wang’oe ubani. Thuondno niluongo ni Nekushtan, (tiende ni, gima olos gi mula.)

2 Ruodhi 3:20

Kamano, kinyne gokinyi kar sa mitimoe misango, pi nobiro koa yo Edom, nyaka gweng’no duto nolokore pi lilo.

2 Weche mag Ndalo 29:32

Gik mane okel mondo otimgo misango miwang’o pep, ne gin ruedhi piero abiriyo, gi imbe mia achiel, kod nyirombe mia ariyo. Mago duto nochiw mondo otimgo misango miwang’o pep ni Ruoth Nyasaye.

2 Weche mag Ndalo 29:35

Ewi tich timo misengnigo ne nitie bende tich dolo mar wang’o bor mag misengni mag erokamano, kaachiel gi misengni miolo piny kuom misengni miwang’o pep. Kamano e kaka tich Od Ruoth Nyasaye nodwok kare,

2 Weche mag Ndalo 33:6

Nowang’o yawuote bende ka liswa e holo mar wuod Hinom. Noyie gi jokor wach gi jonyakalondo kod ajuoke. Timbene maricho ne ng’eny e nyim Ruoth Nyasaye, omiyo Ruoth Nyasaye nokecho kode.

Isaya 2:6

Ruoth Nyasaye osejwang’ou nikech uyie gi jo yo wuok chieng’ ma dhi ajuoga, kendo mawuoyo gi jochiende mana ka jo-Filistia. Bende jopinje mamoko yudore kamoro amora e pinyu.

Daniel 11:31

Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.

Daniel 12:11

“Chakre chieng’ ma ji nowee timo misengni mitimo pile, tiende ni chakre kinde ma ochungie gima kuero makelo kethruok, ndalo alufu achiel gi mia ariyo gi piero ochiko nokadhi.

Daniel 9:21

Kane pod alemo kamano, ng’at miluongo ni Gabriel, mane aseneno e fweny, ne ohuyo matek mobiro kuma antie. Ne en kar sa mitimoe misango mar odhiambo.

Daniel 9:27

Jatelono nolos winjruok motegno gi ji mang’eny kuom higni abiriyo, kendo nomi ji owe timo misengni kendo owe kelo chiwo kuom higni adek gi nus. Gima kuero makelo kethruok nobed ewi osuri mar Hekalu nyaka ng’at mane okete kanyo chopi e giko mane Nyasaye oketone.”

Hosea 4:12

Gipenjo bao mondo onyisgi gima biro timore, kendo ludhe bende nyisogi wach ma gidwaro ng’eyo! Giseweya, mi gidhi ir nyiseche mamoko, mana ka dhako moweyo chwore to dwanyore gi chwo mamoko.