2 Ruodhi 16:10 - MUMA MALER 2015

¹⁰ Kane ruoth Ahaz odhi Damaski romo gi Tiglath-pileser ruodh Asuria, noneno kendo-mar-misango mane ni kuno, mi nooro ni Uria jadolo kido mar kendono gi romne duto, manyise kaka ochalo.

Motingʼo Loko Manyien

¹⁰ Eka ruoth Ahaz nodhi Damaski mondo orom gi Tiglath-Pilesa ruodh Asuria. Noneno kendo mar misango man Damaski mi ooro ni Uria jadolo goro kaka oger kendono, kondiko maler gik moko duto mogerego.

2 Ruodhi 16:10 ပူးပေါင်းရင်းမြစ်များ

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

2 Ruodhi 16:11

Uria jadolo noloso kendo-mar-misango machielo machal gi mano chuth, kendo notieke kapok ruoth Ahaz oduogo koa Damaski.

2 Ruodhi 21:4

Nogero kende mag liswa e Hekalu mane Ruoth Nyasaye osewuoyo kuome niya, “Jerusalem ema naketie nyinga.”

1 Weche mag Ndalo 28:19

Daudi nowacho niya, “Magi duto Ruoth Nyasaye owuon ema onyiso. Tichna ne en mana dwaro rieko kaka digere.”

Zaburi 106:39

Gin bende ne gidoko mogak gi timbegi modwanyorego, mi giweyo luwo Nyasaye.

Wuok 24:4

Musa nondiko chike duto mag Ruoth Nyasaye. To kinyne gokinyi nogero kendo-mar-misango e tiend got, kendo nochungo kite apar gariyo mag rapar, maromre gi kar romb dhout Israel apar gariyo.

Wuok 39:43

Musa norango gik moko duto mane giseloso, moneno ni giselosogi mana kaka Ruoth Nyasaye nosechiko, omiyo noguedhogi.

Isaya 8:2

Eka iluong Uria jadolo gi Zekaria wuod Jeberekia obed janeno, nikech gin joma long’o.”

Jeremia 10:2

“Kik uluw timbe ogendini mamoko, kendo kik chunyu parre kuom honni muneno e kor polo, kata obedo ni gimiyo ogendini parore.

Ezekiel 16:28

Joma ne isebedo ka idwanyorigo ok oromi, omiyo ne idwanyori gi jo-Asuria, to gin bende ne ok giromi.

Ezekiel 43:11

To ka ineno ni wigi okuot kuom gik ma gisetimo, to nyisgi kido mogergo Hekalu, kaachiel gi gik moko duto manie iye, kod dhorangeye midonjogo gi miwuokgo, kendo kaka gik moko duto ochan e iye. Bende nyisgi chike duto man kanyo. Ndik gigo duto mondo ging’e kaka gik moko ochan, kendo gimak chikego duto.

Ezekiel 43:8

Ruodhigigo nogero utegi mana momakore gi Hekaluna, mi kor ot kende ema opogo kinda kodgi. Gik modwanyore mane gitimo nokelo ni nyinga maler wichkuot, omiyo ne atiekogi ka an gi mirima mager.

Ezekiel 44:12

To kaka ne gitiyo ni jo-Israel e tij lemo kuonde milamoe nyiseche manono, mi gimiyo jo-Israel odonjo e richo, omiyo an Ruoth Nyasaye akuong’ora ni nyaka kumgi.

Mathayo 15:6

to koro ok onego okony wuon gi gimoro. Mano e kaka umiyo chike Nyasaye bedo kayiem nono, kuluwo chikeu uwegi.

Mathayo 15:9

Gilama kayiem nono, nimar gipuonjo chike mag dhano, mana ka gima gin chike Nyasaye!’ ”

Jo-Rumi 12:2

Kik uluw timbe mag pinyni, to lokreuru mondo parou odok manyien, eka ubiro ng’eyo gik ma Nyasaye dwaro. Gin gik mabeyo kendo malong’o ma Nyasaye oyiego.

Rapar mar Chik 12:30

to beduru kutang’ mondo kik uluw timbegi, nono to gilokorenu obadho. Ka osetiekgi, mi giweyonu thuolo kamano, to kik upenjru ni, ‘Ere yo mane ogendinigi lamoe nyisechegi? Mondo wan bende watim mana machal kamano kamano.’

Joshua 22:28

Ne waparo bende ni ka gima kamano ditimrenwa, kata ni nyikwawa, to wanyalo nyisogi kido mar kendo-mar-misango mar Ruoth Nyasaye ma wasegero. Ok en mar wang’o misengni kata gimoro amora machalo kamano, to en mana ranyisi e kindwa kodu.

1 Petro 1:18

Ung’eyo ni kane owaru kuom timbeu manono mane uyudo kuom kwereu, to ne ok owaru gi gik matow kaka fedha kata dhahabu,