2 Ruodhi 15:4 - MUMA MALER 2015

⁴ To kata kamano hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

Motingʼo Loko Manyien

⁴ Kuonde motingʼore gi malo kata kamano ne ok omuki kendo ji nodhi nyime mana gi chiwo misengini kendo wangʼo ubani mangʼwe ngʼar kanyo.

2 Ruodhi 15:4 ပူးပေါင်းရင်းမြစ်များ

1 Ruodhi 15:14

Hembko mane ni kuonde moting’ore ne ok okethi, to kata kamano chuny Asa ne long’o e nyim Ruoth Nyasaye e ndalone duto.

1 Ruodhi 22:43

Jehoshafat noluwo timbe duto mag Asa wuon mare, ma ok oweyo kata achiel, kendo timbene ne long’o e nyim Ruoth Nyasaye. To hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

2 Ruodhi 12:3

To kata kamano ne ok oketho hembko mane ni kuonde moting’ore, kendo ji ne pod timo misengni, kendo wang’o ubani kuondego.

2 Ruodhi 12:4

Joash nowachone jadolo niya, “Kawuru pesa duto michiwo ni Ruoth Nyasaye ma ji kelo e Hekalu, bed ni en solro momi ng’ato ka ng’ato mondo ogol, kata en pesa ma ng’ato chiwo kuom herone.

2 Ruodhi 14:4

to kata kamano hembko mane ni kuonde moting’ore ne ok okethi, kendo ji ne pod timo misengni, kendo wang’o ubani kuondego.

2 Ruodhi 15:3

Timbene ne long’o e nyim Ruoth Nyasaye, mana kaka timbe Amazia wuon mare.

2 Ruodhi 15:34

Timbe Jotham ne long’o e nyim Ruoth Nyasaye kaka timbe Uzia wuon mare.

2 Ruodhi 15:35

To kata kamano hembko mane ni kuonde moting’ore ne ok okethi. Ji ne pod timo misengni kendo wang’o ubani kuondego. Jotham ema nogero dhorangach mamalo mar Od Ruoth Nyasaye.

2 Ruodhi 18:4

Noketho ut lemo mag hembko, kaachiel gi sirni milamo mag kite gi mag yien. Thuond mula mane Musa oloso, bende nong’ado matindotindo, nikech nyaka chop ndalogo, jo-Israel ne pod wang’oe ubani. Thuondno niluongo ni Nekushtan, (tiende ni, gima olos gi mula.)

2 Weche mag Ndalo 17:6

Chunye nojiwore e yor Ruoth Nyasaye, bende noketho hembko mane ni kuonde moting’ore, kaachiel gi sirni milamo mane nie piny Juda.

2 Weche mag Ndalo 32:12

Donge Hezekia achielni osegolo hembko man kuonde moting’ore gi kende duto mag misango mag Ruoth Nyasaye, kochiko jo-Juda gi jo-Jerusalem niya, ‘Unulam e nyim kendo-mar-misango achiel kende, kendo wi kendono ema unuwang’ie misengini mau?’

2 Weche mag Ndalo 34:3

E higa mar aboro mar lochne, kane pod en rawera, nochako luwo Nyasach Daudi kwar mare. To e higa mar apar gariyo nochako pwodho Juda gi Jerusalem, koketho hembko mane ni kuonde moting’ore, gi sirni milamo, kod kido mopa gi mothedhi.