2 Ruodhi 15:29 - MUMA MALER 2015

²⁹ E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

Motingʼo Loko Manyien

²⁹ E ndalo loch Peka ruodh Israel, Tiglath-Pilesa ruodh Asuria nobiro mokawo Ijon, Abel Beth Maaka, Janoa, Kedesh kod Hazor. Noloyo Gilead kod Galili kaachiel gi piny Naftali duto, kendo oterogi e twech e piny Asuria.

2 Ruodhi 15:29 ပူးပေါင်းရင်းမြစ်များ

1 Ruodhi 14:15

Ruoth Nyasaye biro goyo jo-Israel, mi ginikirni kaka odundu ma pi yiengo, kendo nogol jo-Israel oko e piny maber ma nomiyo kweregini, mi nokegi koterogi loka aora Yufrate nikech gisemiyo Ruoth Nyasaye mirima, ka gichungo sirni milamo miluongo ni Ashera.

1 Ruodhi 15:20

Ben-hadad noyie kwayo mar ruoth Asa, mi nooro jotend ogend lweny mondo omonj miech Israel. Noketho Ijon, gi Dan, gi Abel-beth-Maaka, gi paw Kineroth duto, kod piny Naftali.

1 Ruodhi 9:11

nomiyo Hiram mier piero ariyo e piny Galili. (Hiram ruodh Turo nosemiyo Solomon bap sida gi bap saipras kod dhahabu kaka nodwaro.)

2 Ruodhi 15:19

Ndalogo ema Pul ruodh Asuria nomonjoe e piny Israel, to Menahem nomiyo Pul fedha moromo kilo alufu mia adek, mondo Pul okonye jiwo lochne obed motegno.

2 Ruodhi 15:20

Menahem noloso pesa kuom jo-Israel man gi mwandu, mochulogo ruodh Asuria, koketo ni ng’ato ka ng’ato nus kilo mar fedha. Omiyo ruodh Asuria noweyo piny Israel, mi nodok thurgi.

2 Ruodhi 15:28

Timbene ne richo e nyim Ruoth Nyasaye, kaka timbe mane Jeroboam wuod Nebat omiyogo jo-Israel obedo joricho.

2 Ruodhi 15:30

To e higa mar piero ariyo mar loch Jotham wuod Uzia, Hoshea wuod Ela nojamo Peka wuod Ramalia, monego, mi okawo lochne.

2 Ruodhi 16:10

Kane ruoth Ahaz odhi Damaski romo gi Tiglath-pileser ruodh Asuria, noneno kendo-mar-misango mane ni kuno, mi nooro ni Uria jadolo kido mar kendono gi romne duto, manyise kaka ochalo.

2 Ruodhi 16:7

To kane Ahaz oyudo ni ruodhigo olwore kamano, nooro joote ir Tiglath-pileser ruodh Asuria, kowachone niya, “An nyathini kendo jatichni, yie ibi iresa e lwet ruodh Aram gi ruodh Israel ma kedo koda.”

2 Ruodhi 17:20

Omiyo Ruoth Nyasaye nodagi nyikwa Israel duto. Nothagogi moketogi e lwet wasigu mane peyogi to achien nogologi e pinygi.

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

2 Ruodhi 18:11

Ruodh Asuria nodaro jo-Israel, motero nyaka Asuria, mi noketo moko kuomgi mondo odag Hela but aora Habor man Gozan, to moko noketo e miech jo-Media.

2 Ruodhi 19:11

Chutho, isewinjo kaka ruodhi mag Asuria oseketho pinje mane gikedogo chuth. To koro iparo ni in ema dikwo?

2 Ruodhi 8:11

Eka wang’ Elisha notwo kuome kang’iye, nyaka wi Hazael nokuot, to pi wang’ ng’at Nyasaye noton.

1 Weche mag Ndalo 5:22

Ne ginego ji mang’eny, nikech Nyasaye ema nomiyo lwenyno obedoe. Bang’e ne gidak e pinyno kar jogo, nyaka ndalo mane odargi kiterogi e tuech Babulon ochopo.

1 Weche mag Ndalo 5:26

Omiyo Nyasach Israel nomiyo Pul, ma bende iluongo ni Tiglath-peleser ruodh Asuria mondo omonj jo-Reuben gi jo-Gad kod jo-Manasego. Nodarogi moterogi nyaka Hala gi Habor gi Hasa kod Aora Gozan, kuma gidakie nyaka chil kawuono.

1 Weche mag Ndalo 5:6

Baal to nonywolo Beera. Beera ne en achiel kuom joma ne Tiglath-peleser ruodh Asuria odaro, motero e tuech piny mabor. Ne en jaduong’ joka Reuben.

2 Weche mag Ndalo 16:4

Benhadad noyie kwayo mar ruoth Asa, mi nooro jotend jolweny mondo omonj miech jo-Israel. Noketho Ijon gi Dan gi Abelmaim kod miech keno duto mag Naftali.

Nehemia 9:32

“A Nyasachwa man gi teko, in e Nyasaye maduong’ kendo malich, ma rito singruokne gi adiera. Omiyo koro kik ikaw masiche mwanenogi mayot, nikech ruodhiwa gi jodongwa gi jodolowa gi jonabiwa gi kwerewa kod jogi duto osethagore, chakre ndalo loch ruodhi mag Asuria nyaka chil kawuono.

Isaya 1:7

Pinyu odong’ gunda, kendo miechu mach osewang’o, bende jopinje moko nono mayou chambu mana e wang’u kuneno. Adier, odong’ gunda, mana kaka Sodom nodong’, kosekethi.

Isaya 37:18

A Ruoth Nyasaye, en adier ni ruodhi mag Asuria oseketho pinje duto,

Isaya 7:16

nikech kata obedo ni koro uluoro ruodh Efraim gi ruodh Aram, to ka pok nyathino ong’eyo pogo gima rach gi gima ber, to pinje ruodhi ariyogo nobed mojwang’

Isaya 7:20

E ndalogo Ruoth Nyasaye nokel ruodh Asuria mondo oyaku mi weu nono, mana ka gima wembe ema olielo dendu duto koda ka tiku bende.

Ezekiel 23:9

Kuom mano ne ajwang’e e lwet chodene ma jo-Asuria mane ogombo malichgo.

Tim jo-Lawi 26:32

Anaketh pinyu, mi wasiku mobiro dakie nohum nono.

Amos 1:13

Ruoth Nyasaye owacho niya, “Jo-Amon osetimo richo mang’eny, omiyo abiro kumogi mak orem, nikech wuoch lowo nomakogi, mi giriedo iye mon mayach e piny Gilead.

Amos 1:3

Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham.

Amos 5:27

kendo abiro darou mi ateru e tuech, e piny man loka machielo mar Damaski.” Ruoth Nyasaye Manyalo Gik Moko Duto owacho kamano.

Amos 6:14

“To un jo-Israel, abiro kelo oganda moro mondo omonju, kendo ginisandu, chakre kama idonjogo Hamath, man yo nyandwat, nyaka holo man yo Araba, yo milambo. An Ruoth Nyasaye Manyalo Gik Moko Duto ema awacho kamano.”

Kwan 32:1

Jo-Reuben kod jo-Gad ne nigi jamni mang’eny, kendo kane gineno ka piny Jazer kod piny Gilead nigi lege mabeyo,

Kwan 32:40

Eka Musa nomiyo joka Makir wuod Manase piny Gilead, mi gidak kuno.

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.

Rapar mar Chik 3:15

Napogo ni joka Makir piny Gilead.

Joshua 11:1

Kane Jabin ruodh Hazor owinjo wechego duto, nooro wach ni Jobab ruodh Madon kod ruodhi mag Shimron gi Akshaf,

Joshua 11:10

Eka Joshua nowichore ni Hazor, dala ma noyudo otelo ni pinjego. Jo-Israel nokawe, monego ruodhe.

Joshua 11:13

To jo-Israel ne ok owang’o mier mane oger ewi pidhe, mak mana Hazor kende ema ne Joshua owang’o.

Joshua 12:19

gi Madon gi Hazor

Joshua 16:6

Eka nochiko yo-podho chieng’, koweyo Mikmethath yo nyandwat, kendo nokadho yo wuok chieng’ mar Taanath-shilo kod Janoa.

Joshua 19:35

Miechgi mane ochiel gi ohinga ne gin Zidim gi Zer gi Hamath gi Rakath gi Kinereth

Joshua 19:37

gi Kedesh gi Edrei gi En-hazor

Joshua 20:7

Kuom mano ne giyiero Kadesh-galili manie piny gode mag Naftali, gi Shekem manie piny gode man Efraim kod Kiriath-arba, miluongo bende ni Hebron, manie piny gode mag Juda.

Jong’ad Bura 18:30

Bang’e jo-Dan nochungo kido manono cha mondo gilam, kendo Jonathan nyakwar Gershom ma wuod Musa, kaachiel gi yawuote kod nyikwaye, nobedo jodolo mag dhood Dan nyaka ndalo mane odarie jo-Israel, moter e tuech.

Jong’ad Bura 4:2

omiyo nochiwogi e lwet Jabin ruodh jo-Kanaan ma nodak Hazor. Jaduong’ jolweny Jabin ne nyinge Sisera. Nodak Harosheth-hahagoim,