2 Ruodhi 15:15 - MUMA MALER 2015

¹⁵ Koro timbe moko duto mag Shalum, kendo kaka nojamo Zekaria, ondiki e Kitap Weche mag Ndalo mag Ruodhi mag Israel.

Motingʼo Loko Manyien

¹⁵ Weche moko duto mag loch Shalum, kendo kaka nojamo Zekaria, ondiki e kitepe mag weche ruodhi Israel.

2 Ruodhi 15:15 ပူးပေါင်းရင်းမြစ်များ

1 Ruodhi 14:19

Weche moko mag Jeroboam, kod lwenjene, kendo kaka norito piny, ondiki e Kitap Weche mag Ndalo mag Ruodhi mag Israel.

1 Ruodhi 14:29

Koro weche moko mag Rehoboam, gi timbene duto, ondiki e Kitap Weche mag Ndalo mag Ruodhi mag Juda.

1 Ruodhi 22:39

Weche moko mag Ahab, gi timbene duto, kod ode mane olos gi lak liech, gi mier duto ma nogero, ondik e Kitap Weche mag Ndalo mag Ruodhi mag Israel.

2 Ruodhi 15:11

Timbe moko duto mag Zekaria ondiki e Kitap Weche mag Ndalo mag Ruodhi mag Israel.

2 Ruodhi 15:14

To Menahem wuod Gadi noa Tirza modhi Samaria. Nonego Shalum wuod Jabesh kuno, mokawo lochne.

2 Ruodhi 15:16

E ndalogo ema Menahem nokawoe Tapua, kaachiel gi mbape duto, chakre Tirza kadhi nyime. Nonego jo-Tapua duto, koriedo iye mon mayach, kendo noketho dalano chuth, nikech ne gidagi yawone dhorangach.