2 Ruodhi 15:14 - MUMA MALER 2015

¹⁴ To Menahem wuod Gadi noa Tirza modhi Samaria. Nonego Shalum wuod Jabesh kuno, mokawo lochne.

Motingʼo Loko Manyien

¹⁴ Eka Menahem wuod Gadi nowuok koa Tirza modhi nyaka Samaria. Nomonjo Shalum wuod Jabesh ei Samaria monege kendo nobedo ruoth kare.

2 Ruodhi 15:14 ပူးပေါင်းရင်းမြစ်များ

1 Ruodhi 14:17

Chi Jeroboam nodok Tirza dalagi, to kane ochopo e dhoot, nyathi cha notho.

1 Ruodhi 15:21

Kane Baasha owinjo gima otimore, noweyo gero ohinga mar Rama, modok Tirza.

1 Ruodhi 15:33

E higa mar adek mar loch Asa ruodh Juda, Baasha wuod Ahija nodoko ruodh Israel, morito piny kuom higni piero ariyo gang’wen, kodak Tirza.

1 Ruodhi 16:15

Zimri nobet ruoth kuom ndalo abiriyo e higa mar piero ariyo gabiriyo mar loch Asa ruodh Israel, kodak Tirza. Nonwang’o ka jolweny ojot but Gibethon, dala jo-Filistia.

1 Ruodhi 16:17

Eka Omri, kaachiel gi jo-Israel duto, nowuok Gibethon, mi gidhi gilworo Tirza.

2 Ruodhi 15:10

Shalum wuod Jabesh nojame, monege Ibleam, kendo nokawo lochne.

2 Ruodhi 15:15

Koro timbe moko duto mag Shalum, kendo kaka nojamo Zekaria, ondiki e Kitap Weche mag Ndalo mag Ruodhi mag Israel.

2 Ruodhi 15:17

E higa mar piero adek gochiko mar loch Uzia ruodh Juda, Menahem wuod Gadi nodoko ruodh Israel, morito piny kuom higni apar, kodak Samaria.