2 Ruodhi 15:13 - MUMA MALER 2015

¹³ E higa mar piero adek gochiko mar loch Uzia ruodh Juda, Shalum wuod Jabesh nokawo loch, morito piny due achiel, kodak Samaria.

Motingʼo Loko Manyien

¹³ Shalum wuod Jabesh nobedo ruoth e higa mar piero adek gochiko mar loch Uzia ruodh Juda, kendo nobedo ruoth Samaria kuom dwe achiel.

2 Ruodhi 15:13 ပူးပေါင်းရင်းမြစ်များ

1 Ruodhi 16:15

Zimri nobet ruoth kuom ndalo abiriyo e higa mar piero ariyo gabiriyo mar loch Asa ruodh Israel, kodak Tirza. Nonwang’o ka jolweny ojot but Gibethon, dala jo-Filistia.

1 Ruodhi 16:24

eka bang’e nong’iewo got Samaria kuom Shemer gi fedha, ma dirom kilo piero abiriyo kendo nochielo godno gi ohinga, mochake ni Samaria, machal gi nying Shemer, ma wuon godno.

2 Ruodhi 15:1

E higa mar piero ariyo gabiriyo mar loch Jeroboam ruodh Israel, Uzia wuod Amazia nodoko ruodh Juda.

2 Ruodhi 15:8

E higa mar piero adek gaboro mar loch Uzia ruodh Juda, Zekaria wuod Jeroboam nobet ruodh Israel kuom dueche auchiel, kodak Samaria.

Ayub 20:15

Nyasaye miyo jaricho dwoko mwandu ma osekwalo, mana ka ng’ama ng’ogo gima osechamo.

Zaburi 55:23

Jonek gi jomriambo ok nodag aming’a. In Nyasaye ibiro wito jogo e bur matut. An to abiro geno kuomi.

Ngeche 28:17

Ng’at ma oneko, ochomo mana kar joma otho. Omiyo ng’ato kik geng’e.

Ngeche 28:2

Piny nyalo bedo mogurore kendo motegno ka nitie jotelo mariek. To ka richo nie piny, to jotelo ok ti aming’a.

Isaya 1:1

Ma e fweny ma wuoyo kuom Juda gi Jerusalem, mane Isaya wuod Amoz oneno e kinde mag loch Uzia gi Jotham, kod Hezekia, mane ruodhi Juda:

Hosea 10:3

Bang’e gibiro wacho niya, “Waonge gi ruoth nikech ne ok waluoro Ruoth Nyasaye. To kata kamano ere gima ruoth ditimnwa?”

Hosea 8:4

Joga yiero ruodhi maggi, to gitimo kamano ma ok gipenja. Bende giyiero jotelo ka ok ayie. Gikawo fedha gi dhahabu ma gin-go, kendo giloso nyiseche manono ma biro kelonigi mana masira.