2 Ruodhi 15:12 - MUMA MALER 2015

¹² Kamano weche mane Ruoth Nyasaye osingorego ni Jehu, kowachone ni nyikwaye nobed ruodhi mag Israel nyaka tieng’ mar ang’wen, nochopo kare.

Motingʼo Loko Manyien

¹² Omiyo wach Jehova Nyasaye mane ohul kowuok kuom Jehu nochopo kare mawacho niya, “Nyikwayi nobedi e loch mar Israel nyaka tiengʼ mar angʼwen.”

2 Ruodhi 15:12 ပူးပေါင်းရင်းမြစ်များ

2 Ruodhi 10:10

Kuom mano ng’euru ni onge wach Ruoth Nyasaye kata achiel ma norem mak otimore kuom weche duto mane owacho kuom dhood Ahab, nikech Ruoth Nyasaye osetimo gima nomiyo Elija jatichne owacho.”

2 Ruodhi 10:30

Ruoth Nyasaye nowacho ni Jehu niya, “Amor gi tich misetiyo, nikech isetimo ni dhood Ahab kaka nadwaro, omiyo nyikwayi nobed ruodhi mag Israel nyaka tieng’ mar ang’wen.”

2 Ruodhi 13:1

E higa mar piero ariyo gadek mar loch Joash wuod Ahazia ruodh Juda, Jehoahaz wuod Jehu nodoko ruodh Israel, mi norito piny kuom higni apar gabiriyo, kodak Samaria.

2 Ruodhi 13:10

E higa mar piero adek gabiriyo mar loch Joash ruodh Juda, ema Jehoash wuod Jehoash nodokoe ruodh Israel, kendo norito piny kuom higni apar gauchiel, kodak Samaria.

2 Ruodhi 13:13

Jehoash notho, moluwo kwerene, mi noyike Samaria but ruodhi mag Israel. Jeroboam nodoko ruoth kare.

2 Ruodhi 14:29

Jeroboam notho, moluwo kwerene mane ruodhi mag Israel. Zekaria wuode nodoko ruoth kare.

2 Ruodhi 15:11

Timbe moko duto mag Zekaria ondiki e Kitap Weche mag Ndalo mag Ruodhi mag Israel.

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Mariko 13:31

Polo gi piny norum. Wechena to ok norum ngang’!

Johana 10:35

To wang’eyo malong’o ni wach Nyasaye ok nyal lokore.

Johana 19:24

ne giwacho e kindgi giwegi ni, “Yawa, kik wayieche, to wagone ombulu mondo wang’ego ng’ama dikawe” Mano notimore mondo ochop gima Muma wacho ni, “Ne gipogore lepa e kindgi, kendo ne gigoyo ombulu mondo ging’ego ng’ama dikaw kandhuna.” Mano e kaka ne askeche otimo.

Tich Joote 1:16

Nowacho niya, “Owetena, wach mondiki e Muma nyaka ne timre. En wach mane Roho Maler omiyo Daudi okoro kuom Judas mane otelo ni joma ne omako Yesu.

1 Samuel 3:19

Kane Samuel dongo, Ruoth Nyasaye ne ni kode, kendo weche duto mane okoro, Ruoth Nyasaye ne ochopo kare.