2 Ruodhi 14:25 - MUMA MALER 2015

²⁵ Nodwoko piny mane olal ni Israel, chakre kama idonjogo Hamath, nyaka Nam Kado, kaka Ruoth Nyasaye ma Nyasach Israel nomiyo janabi Jona ma wuod Amitai, ja-Gath-hefer, owacho.

Motingʼo Loko Manyien

²⁵ En ema ne odwoko tongʼ mag Israel chakre Lebo Hamath nyaka chop Nam mar Araba, kaluwore gi wach Jehova Nyasaye, ma Nyasach Israel, mane owacho koa e dho jatichne Jona wuod Amitai, mane janabi moa Gath Hefer.

2 Ruodhi 14:25 ပူးပေါင်းရင်းမြစ်များ

Chakruok 14:3

Ruodhi abichgo nosechoko jolwenjgi kanyakla e holo Sidim, ma tinde pi Nam Kado oimo.

1 Ruodhi 8:65

E ndalogo Solomon, kaachiel gi jo-Israel duto, notimo sawo maduong’ e nyim Ruoth Nyasaye kuom ndalo abiriyo. Oganda maduong’ nochokore kanyo moa e piny Israel duto, chakre kama idonjogo Hamath nyaka aora manie kind pinygi kod piny Misri.

2 Ruodhi 10:32

Ndalogo ema Ruoth Nyasaye nochako thiroe jo-Israel, komiyo wasikgi kawo bethe pinygi. Hazael noloyo jo-Israel e pinygi duto,

2 Ruodhi 13:25

Jehoash wuod Jehoahaz nomayo Ben-hadad wuod Hazael mier mane Hazael ogolo e lwet Jehoahaz wuon mare e lweny. Jehoash noloyo Ben-hadad nyadidek, mi nodwoko miergo ni Israel.

2 Ruodhi 13:5

Omiyo Ruoth Nyasaye nomiyo jo-Israel ng’at ma noresogi e lwet jo-Aram, mi ne gidak e miechgi gi kue kaka chon.

2 Ruodhi 14:24

Timbene ne richo e nyim Ruoth Nyasaye, mana kaka timbe duto mane Jeroboam wuod Nebat omiyogo jo-Israel obedo joricho.

Ezekiel 11:10

omiyo ibiro negou e lweny mana e pinyu uwegi mi ji duto nong’e ni an e Ruoth Nyasaye.

Amos 6:14

“To un jo-Israel, abiro kelo oganda moro mondo omonju, kendo ginisandu, chakre kama idonjogo Hamath, man yo nyandwat, nyaka holo man yo Araba, yo milambo. An Ruoth Nyasaye Manyalo Gik Moko Duto ema awacho kamano.”

Jona 1:1

Ruoth Nyasaye nowacho ni Jona wuod Amitai niya,

Kwan 13:21

Kamano ne gidhi mi gichengo pinyno chakre thim Zin nyaka Rehob man but kama idonjogo Hamath.

Mathayo 16:4

Tieng’ marach kendo moweyo Nyasayeni kwayo mondo otimnigi ranyisi, to onge ranyisi ma notimnigi, mak mana ranyisi mar Jona.” Eka noweyogi, modhi.

Rapar mar Chik 3:17

kaachiel gi piny manie holo mar aora Jirdan, chakre Nam Galili nyaka Nam Araba miluongo ni Nam Kado, man yo podho chieng’ mar got Pisga.

Joshua 19:13

Nomedo dhi yo wuok chieng’, mochopo Gath-hefer kod Ita-kazin nyaka Rimon, mogomo kochiko Nea.