2 Ruodhi 14:23 - MUMA MALER 2015

²³ E higa mar apar gabich mar loch Amazia wuod Joash ruodh Juda, Jeroboam wuod Jehoash nodoko ruodh Israel, kodak Samaria. Norito piny kuom higni piero ang’wen gachiel.

Motingʼo Loko Manyien

²³ E higa mar apar gabich mar Amazia wuod Joash ruodh Juda, Jeroboam wuod Jehoash ruodh Israel nobedo ruodh Samaria kendo nobedo ruoth kuom higni piero angʼwen gachiel.

2 Ruodhi 14:23 ပူးပေါင်းရင်းမြစ်များ

2 Ruodhi 10:30

Ruoth Nyasaye nowacho ni Jehu niya, “Amor gi tich misetiyo, nikech isetimo ni dhood Ahab kaka nadwaro, omiyo nyikwayi nobed ruodhi mag Israel nyaka tieng’ mar ang’wen.”

2 Ruodhi 13:13

Jehoash notho, moluwo kwerene, mi noyike Samaria but ruodhi mag Israel. Jeroboam nodoko ruoth kare.

2 Ruodhi 14:1

E higa mar ariyo mar loch Jehoash wuod Jehoahaz ruodh Israel, Amazia wuod Joash nodoko ruodh Juda.

2 Ruodhi 14:15

Koro weche moko mag Jehoash, gi timbene duto, kod chir mane okedogo gi Amazia ruodh Juda, ondiki e Kitap Weche mag Ndalo mag Ruodhi mag Israel.

2 Ruodhi 14:16

Jehoash notho, moluwo kwerene. Noyike Samaria but ruodhi mag Israel. Jeroboam wuode nodoko ruoth kare.

2 Ruodhi 14:22

En ema nokawo dala mar Elath, modwoko ni jo-Juda, bang’ tho wuon mare. Eka ne ochiele gi ohinga.

2 Ruodhi 14:24

Timbene ne richo e nyim Ruoth Nyasaye, mana kaka timbe duto mane Jeroboam wuod Nebat omiyogo jo-Israel obedo joricho.

2 Ruodhi 14:27

nikech nosewacho ni ok noruch nying jo-Israel oko.

2 Ruodhi 15:1

E higa mar piero ariyo gabiriyo mar loch Jeroboam ruodh Israel, Uzia wuod Amazia nodoko ruodh Juda.

1 Weche mag Ndalo 5:17

Nying jogo duto nondik e ndalo mag loch Jotham ruodh Juda, kendo Jeroboam ruodh Israel.

Hosea 1:1

Kitabuni ondikie weche mane Ruoth Nyasaye onyiso Hosea wuod Beeri e ndalo loch ruodhi Juda ma Uzia gi Jotham gi Ahaz kod Hezekia, kendo e ndalo loch Jeroboam wuod Jehoash ruodh Israel.

Amos 1:1

Magi e weche Amos, mane achiel kuom jokwath ma nodak Tekoa. Nyasaye nofwenyone wechegi higni ariyo ka pok yiengni piny obetie, ka Uzia e ruodh Juda, to Jeroboam wuod Joash e ruodh Israel.