2 Ruodhi 14:10 - MUMA MALER 2015

¹⁰ Adieri, iseloyo jo-Edom, mi koro ipakori. Pakruoknino mondo oromi, to ibedgo mana e dala. Ang’o momiyo iero miero ma biro tieki, kaachiel gi jo-Juda?”

Motingʼo Loko Manyien

¹⁰ En adier ni iseloyo jo-Edom kendo koro iwuoyo marach. Bed mamor kuom lochnino, to kik iwuogi e dala! Angʼo momiyo imanyo lweny mabiro tieki kaachiel gi jo-Juda duto?”

2 Ruodhi 14:10 ပူးပေါင်းရင်းမြစ်များ

2 Ruodhi 14:7

Amazia nonego jo-Edom alufu apar e holo Kado, mi okawo Sela gi lweny, mochako ni Joksheel. Pod iluonge kamano nyaka chil kawuono.

2 Weche mag Ndalo 26:16

Kane Uzia osedoko motegno kamano, nobedo jasunga mi okethore. Nochayo Ruoth Nyasaye ma Nyasache, modonjo ei Hekalu mar Ruoth Nyasaye mondo owang’ ubani e kendo-mar-ubani.

2 Weche mag Ndalo 32:25

To Hezekia ne ok odwoko erokamano marom gi ber mane otimne, to nodoko jasunga. Emomiyo Ruoth Nyasaye nokecho kode kaachiel gi jo-Juda kod jo-Jerusalem.

2 Weche mag Ndalo 35:21

To Neko noorone joote gi wach niya, “Walar ang’o kodi, ruodh Juda? In ok ema abiro monji kawuono, to abiro mana monjo dhoot ma an go gi lweny, kendo Nyasaye osechika mondo atim piyo. Kik ipiem gi Nyasaye man kora, nono to abiro tieki.”

Wuok 8:9

Mi Musa nowacho ni Farao niya, “Timna ng’wono, mondo inyisa sa monego alemnie, kaachiel gi jodongi kod jogi, mondo ogwende oweu, kendo oa e uteu, mi gidong’ mana e aora Nael kende.”

Ngeche 15:18

Ng’at ma iye wang’ piyo ero miero, to ng’at ma hore mos kelo kue.

Ngeche 16:18

Sunga kelo masira, kendo ng’ayi miyo ng’ato chwanyore.

Ngeche 17:14

Chakruok mar miero chalo gi pi mochako chuer, omiyo nyaka geng’e ka pok omwomo.

Ngeche 20:3

Joma onge gi rieko ohero kelo dhaw. To ng’ama ok dwar miero to ji miyo luor.

Ngeche 25:8

Kik irikni hulo ni ng’ato gimoro amora mineno, dipo ka wadu moro obiro mong’eng’i marach.

Ngeche 26:17

Kidonjo e wach ma ok mari, to ichalo mana gi ng’at mamako guok gi ite.

Ngeche 3:30

Kik idhaw ni ng’ato kayiem nono, ka onge gima rach motimoni.

Ezekiel 28:5

nimar ne iloko ohala gi rieko, mi iyudo ohala mathoth To koro mano kaka mwanduni osemiyo idhialori!”

Ezekiel 38:17

In e ng’at mane awuoyo kuome chon kane aoro jotichna ma jonabi mag Israel mondo owach pile ni e ndalo mabiro anakel ng’ato mondo omonj Israel.’ An Ruoth Nyasaye ema awacho kamano.”

Ezekiel 38:2

“Wuod dhano, chung’ kichomo Gog, modak e piny Magog. En ruoth maduong’ mar ogendini mag Meshek kod Tubal. Kwede,

Ezekiel 38:5

Jo-Persia gi jo-Ethiopia kod jo-Libya ni kodi. Giduto bende giting’o kuodi, kendo gisidho konde mag lweny.

Daniel 11:12

Bang’e sunga nomake nikech lochneno, kendo nikech jolweny mang’eny mosenego, to lochne ok nodhi nyime.

Habakuk 2:4

Koro ma e fweny nogo: Ng’at ma chunye ok ni kare nopodhi, to ng’at makare nobed mangima nikech adierane.

Habakuk 2:5

Andhoke ma jo-Babulon sungore, to ok ginidhi maber. Gisechoko ogendini mang’eny moa e pinje mopogore opogore, ka wuoro omakogi, to ok ginyal yieng’.

Rapar mar Chik 8:14

to kik ubed josunga, mi wiu wil gi Ruoth Nyasaye ma Nyasachu mane ogolou Misri kuma nubedoe wasumbni,

Jakobo 1:9

Ka Nyasaye oting’o owadwa moro modhier malo, to mondo obed mamor.

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”

Jong’ad Bura 9:52

Abimelek nomonjo gorofano, to kane ochopo machiegni gi dhoot mondo omokie mach,