2 Ruodhi 13:7 - MUMA MALER 2015

⁷ Ruoth Nyasaye noweyo ni Jehoahaz mana jolweny alufu apar, gi joidh farese piero abich, kod geche lweny apar, nikech ruodh Aram nosetiekogi mi gichalo mana mihudhi.

Motingʼo Loko Manyien

⁷ Jolweny mag Jehoahaz notieki makmana joidh farese piero abich, geche mag lweny apar kod jolweny mawuotho gi tiendgi alufu apar ema ne odongʼ, nikech ruodh Aram nosetieko mamoko duto kendo nomiyo gichalo mihudhwe.

2 Ruodhi 13:7 ပူးပေါင်းရင်းမြစ်များ

2 Samuel 22:43

Ne aregogi mayom, mana ka buru ma yamo tero, mi anyonogi ka chuodho.

1 Ruodhi 20:15

Eka Ahab nochano yawuowigo, moromo ji mia achiel gi piero adek gariyo. Achien nochano jolweny duto mag Israel, ma dirom ji alufu abiriyo.

1 Ruodhi 20:27

Jo-Israel bende nochokore koseikgi ni lweny, mi ne giwuok mondo giked gi wasikgigo. Jo-Israel nojot momanyore gi jo-Aram. Jo-Aram nopong’o piny, to jo-Israel ne chalo kweth matindo ariyo mag diek.

2 Ruodhi 10:32

Ndalogo ema Ruoth Nyasaye nochako thiroe jo-Israel, komiyo wasikgi kawo bethe pinygi. Hazael noloyo jo-Israel e pinygi duto,

2 Ruodhi 13:8

Weche moko mag Jehoahaz, gi timbene duto, kod tekone, ondiki e Kitap Weche mag Ndalo mag Ruodhi mag Israel.

2 Ruodhi 8:12

Hazael nopenje niya, “Jaduong’, iywago ang’o?” Nodwoke niya, “Aywak nikech ang’eyo kaka ibiro sando jo-Israel. Iniwang’ miechgi mochiel gi ohinga, kendo inineg yawuotgi marateke. Inikidh nyithindgi matindotindo, bende iniried iye mondegi mayach.”

Zaburi 18:42

Ne aregogi mayom mana ka buru ma yamo tero, mi anyonogi ka chuodho.

Isaya 36:8

“Koro in Hezekia, singri ni ruodh Asuria ma atiyone! Ayie miyi farese alufu ariyo kapo nono ni inyalo yudo joma idhogi!

Isaya 41:2

Ng’at moa yo wuok chieng’, ma locho kamoro amora modhiye cha, ere ng’ama okele? Koso en ng’a moketo ogendini e lwete, kendo miyo oloyo ruodhi mi onyon piny? Okeyogi gi liganglane mana ka buru, kendo oriembogi gi asere, mana ka mihudhi ma yamo tero.

Joel 3:14

Ji gana gi gana nie holo mar ng’ado bura. Kanyo ema chieng’ Ruoth Nyasaye chiegni chopoe.

Tim jo-Lawi 26:17

Anabed mosin kodu, mi wasiku nonegu. Unubed e bwo loch joma mon kodu, kendo unubwogru gi ng’wech kata ka onge joma lawou.

Amos 1:3

Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham.

Amos 4:10

“Ne akelonu yamo marach mar tho machal gi mano mane akelo ni jo-Misri. Bende namiyo yawuotu mang’eny otho e lweny, kendo amayou fareseu. Ne amiyo mifuond jomotho e kambeu othing’ou. To kata kamano ne ok uduogo ira.

1 Samuel 13:15

Eka Samuel noa Gilgal, modhi adhiya. Saulo bende noa kuno, mowuotho kochomo kambi mar lweny, ka ji duto modong’ luwo bang’e. Kane ochopo Gibea, dala jo-Benjamin, nokwano joma ne ni kode, monwang’o ni gin ji ma dirom mia auchiel.