2 Ruodhi 13:5 - MUMA MALER 2015

⁵ Omiyo Ruoth Nyasaye nomiyo jo-Israel ng’at ma noresogi e lwet jo-Aram, mi ne gidak e miechgi gi kue kaka chon.

Motingʼo Loko Manyien

⁵ Jehova Nyasaye nochiwo ne jo-Israel jares, mi gitony gia e loch jo-Aram. Eka jo-Israel nochako odok modak e miechgi mana kaka ne gisebetie mokwongo.

2 Ruodhi 13:5 ပူးပေါင်းရင်းမြစ်များ

2 Ruodhi 13:25

Jehoash wuod Jehoahaz nomayo Ben-hadad wuod Hazael mier mane Hazael ogolo e lwet Jehoahaz wuon mare e lweny. Jehoash noloyo Ben-hadad nyadidek, mi nodwoko miergo ni Israel.

2 Ruodhi 14:25

Nodwoko piny mane olal ni Israel, chakre kama idonjogo Hamath, nyaka Nam Kado, kaka Ruoth Nyasaye ma Nyasach Israel nomiyo janabi Jona ma wuod Amitai, ja-Gath-hefer, owacho.

2 Ruodhi 14:27

nikech nosewacho ni ok noruch nying jo-Israel oko.

1 Weche mag Ndalo 11:2

E ndalo mokadho, kane Saulo pod ruoth, in ema nitelo ni jo-Israel e lwenjegi duto, kendo Ruoth Nyasaye ma Nyasachi nowachoni niya, ‘Inibed jakwadh joga Israel, kendo in ema nibed jatendgi.’ ”

Nehemia 9:27

omiyo nichiwogi e lwet wasikgi mothagogi. To kane giywakni mondo ikonygi e thagruokgino, niwinjogi gie polo, mi nioronigi joma noresogi e lwet wasikgigo, nikech ng’wononi maduong’.

Wuok 4:10

Musa nowacho ni Ruoth Nyasaye niya, “Ruoth kiyie; ok an ng’at mong’eyo wuoyo e nyim ji, kata mana sani, ma koro isewuoyo kodani, pod an mana kamano. Lewa pek, kendo aywayo wach.”

Isaya 19:20

Sirono nochung’ kanyo kaka ranyisi, kendo kaka rapar ni Ruoth Nyasaye Manyalo Gik Moko Duto e Misri, mondo ka giywakne e kinde ma wasikgi thirogi, to oornigi jawar, mondo okonygi kendo oresgi.

Obadia 1:21

Jo-Israel biro dhi e got Sayun mondo oresi, mi god Esau nobed e bwo lochgi. To Ruoth Nyasaye ema nobed ruoth.

Luka 2:11

Kawuono osenywolnu Jawar e dala Daudi. En Mesia ma Ruoth.

Rapar mar Chik 19:4

Ng’at moboth monego wadgi ma ok gimonrego ema nyalo ringo dhi kuno mondo ores ngimane.

1 Samuel 12:11

Omiyo Ruoth Nyasaye nooro Jerubaal, Barak gi Jeftha, kod Samson, kendo noresou e lwet wasiku koni gi koni, mi nubedo gi kue.

1 Samuel 19:7

Bang’e Jonathan noluongo Daudi monyiso wachno. Eka nokele ir Saulo, mi Daudi notiyone kaka chon.